Մակեդոնիայի կառավարությանը մոտ աղբյուրն անանունության պայմանով տասնյակ գաղտնի հաշվետվությունների արխիվը փոխանցել է Organized Crime and Corruption Reporting Project (OCCRP) միջազգային կոնսորցիումի լրագրողներին: Համատեղ հետաքննությանը մասնակցել է նաև մակեդոնական NOVA TVհեռուստաալիքն ու KRIK սերբական պարբերականը:
Փոխանցված փաստաթղթերը կազմված են հեռախոսազանգերի գաղտնալսման, արտաքին տեսագրությունների և աղբյուրների պատմածների հիման վրա: Եվ դրանցում ասվում է այն մասին, որ Արտաքին հետախուզության ծառայության ու Գլխավոր հետախուզական վարչության ռուս սպաները Ռուսաստանի դեսպանատան աշխատակիցների հետ միասին փորձել են ազդել Մակեդոնիայի և այլ բալկանյան երկրների ներքին քաղաքականության վրա ՆԱՏՕ-ին անդամակցումը թույլ չտալու և Ռուսաստանի շահերը զարգացնելու համար: «Նովայա Գազետան» պատմում է OCCRP հետաքննության գլխավոր կետերի մասին:
«Ավերիչ պրոպագանդա»
Վերջին տարիներին Ռուսաստանն ուժեղացրել է իր ազդեցությունը Բալկաններում, մասնավորապես՝ Մակեդոնիայում, ասված է Մակեդոնիայի հակահետախուզության հաշվետվություններում:
Ռուսաստանի հետախուզական գործունեությունն ակտիվացել է այն բանից հետո, երբ մի քանի բալկանյան երկիր հայտարարել է ՆԱՏՕ-ին անդամակցելու մասին: Այս տարվա ապրիլին Չեռնոգորիայի խորհրդարանը կողմ է քվեարկել Հյուսիսատլանտյան դաշինքին անդամակցելուն: Իսկ Մակեդոնիան ու Բոսնիա և Հերցեգովինան անդամակցելու թեկնածուների կարգավիճակ են ստացել:
Ամբողջական հոդվածը կարող եք կարդալ այստեղ:
