Հնդկաստանի Գուջարաթ նահանգում արձանագրվել է Զիկա վիրուսով վարակվելու 3 դեպք: Այս մասին հայտնում է RIA Novosti-ն՝ հղում անելով Առողջապահության համաշխարհային կազմակերպությանը (ԱՀԿ):

ԱՀԿ-ի տվյալներով՝ մասնավորապես, վարակվածության 3 դեպքերից մեկը հաստատվել է հատուկ թեստի միջոցով:

Զիկա վիրուսն առաջացնում է բարձր ջերմություն, կոնյունկտիվիտ (շաղկապենաբորբ), գլխացավեր, հոդացավեր, բորբոքային գործընթացներ, առանձին դեպքերում՝ սրտխառնոց և փսխում, խանգարումներ և ցավեր ստամոքսում: Վիրուսի տարածողը Aedes aegypti մոծակն է:

Տեղեկություններ կան, որ հղիության ընթացքում վիրուսով վարակվելը երեխայի մոտ առաջացնում է միկրոցեֆալիա՝ բնածին արատ, որի հետևանքով գանգը զգալիորեն փոքր է լինում: Այն ուղեկցվում է մտավոր հետամնացությամբ, նևրոտիկ շեղումներով, լսողության ու տեսողության խանգարումներով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել