Armtimes.com-ը երեկ Շիրակի մարզ ժամանած ՀՀԿ-ական Գալուստ Սահակյանից հետաքրքրվել է, թե կուսակցության ղեկավար կազմը ինչ պաշտոններ է նախապատրաստել Շիրակի մարզից պատգամավոր չընտրված Մարտուն Գրիգորյանի և Սուքիաս Ավետիսյանի համար:
Նշենք, որ Ավետիսյանի և Գրիգորյանի վերաբերյալ հետընտրական օրերից առ այսօր քննարկվում են փոխնախարար դառնալու մասին տեղեկությունները: ԱԺ նախկին նախագահ Գալուստ Սահակյանը Armtimes.com -ին հավաստիացրել է, որ Սերժ Սարգսյանը նրանց անգործ չի թողնելու: «Բնականաբար, ոչ միայն ՀՀԿ-ն, այլ նաև մենք պետք է կարողանանք որևէ կերպ ոգեշնչել նրանց: Բնականաբար՝ Սուքիասն էլ կաշխատի որևէ պաշտոնում, կարծում եմ, հնարավորության դեպքում մի բան կտանք: Սուքիասը լավագույն հանրապետականներից է»,- ասաց Սահակյանը:
Վերջինս անդրադառնալով Մարտուն Գրիգորյանին տրվող պաշտոնին, իր պարտքը համարեց հիշեցնել, որ Գրիգորյանը ՀՀԿ-ական չէ: «Մարտունն ամենատաղանդավորն է, բայց ՀՀԿ-ական չէ: Փոխնախարարի ոյաշտոն տալը միայն խոսակցություն է: Մենք կուսակցության մեջ պայքարում ենք, չենք քննարկում, թե ում ի՞նչ պաշտոն ենք
տալիս: Պաշտոնները ժամանակավոր գործողություններ են: Մարդը պետք է կարողանա հստակ կանգնել ժողովրդի կողքին»,- եզրափակեց Գալուստ Սահակյանը»,-գրում է թերթը:
Նյութն ամբողջությամբ կարդացեք թերթի այսօրվա համարում: