Գերմանիայի կանցլեր Անգելա Մերկելը հույս ունի Ֆրանսիայի նոր նախագահ Էմանուել Մակրոնի հետ միասին նոր դինամիկա հաղորդել եվրոպական գաղափարին: Այդ մասին նա հայտարարել է Բեռլինում կայացած մամուլի ասուլիսում:
«Ֆրանսիայի նոր նախագահի հետ մենք հնարավորություն կունենանք դինամիկա հաղորդել եվրոպական գաղափարին»,-ընդգծել է կանցլերը: Մերկելը համոզմունք է հայտնել, որ Մակրոնը «լավ պատկերացում ունի այն մասին, թե ինչ պետք է անել Ֆրանսիայում»:
«Մենք կքննարկենք, թե որտեղ կարող ենք սերտորեն համագործակցել»,-ասել է նա:
Մերկելը մայիսի 15-ի երեկոյան Բեռլինում բանակցություններ կվարի Մակրոնի հետ: Դա կլինի Ֆրանսիայի նորընտիր նախագահի առաջին արտասահմանյան այցը, հաղորդել է ՏԱՍՍ-ը։
Նյութի աղբյուր՝ https://168.am/2017/05/15/794955.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել