PanARMENIAN.Net-ը գրում է.
Երևանում ծնված հնգյակից տղայի վիճակը շարունակում է ծանր մնալ, սակայն որոշակի կայունացման միտումներ կան: Այս մասին PanARMENIAN.Net ին հայտնեց «Մուրացան» հիվանդանոցային համալիրի գլխավոր բժիշկ Բագրատ Բավեյանը:
«Վիճակը մի փոքր կայունացել է: Արյան մեջ թթվածնային հագեցվածության ցուցանիշը ստաբիլացել է: Լավացման աննշան միտում կա», - ասաց գլխավոր բժիշկը:
Երկու աղջկա վիճակը շարունակում է մնալ կայուն ծանր:
Տղան գտնվում է «Մուրացան» հիվանդանոցային համալիրի վերակենդանացման բաժանմունքում, աղջիկներից մեկը՝ Սուրբ Աստվածամայր բժշկական կենտրոնում, մյուսը՝ Մոր և մանկան առողջության պահպանման գիտահետազոտական կենտրոնում:
Մայիսի 7-ին Երևանի «Մուրացան» հիվանդանոցային համալիրի վերակենդանացման բաժանմունքում մահացել է հնգյակից ևս մեկ նորածին՝ ամենափոքր քաշով աղջիկը:
Նախորդ օրը՝ մայիսի 6-ին, մահացել էր «Էրեբունի» բժշկական կենտրոնում բուժվող նորածին աղջիկը: