«Երևանի ավագանու ընտրություններին մնաց ընդամենը 4 օր: Այս օրերին մայրաքաղաքը պաստառապատված է, շրջիկ քարոզիչներով ու տեղական մասշտաբի հանրահավաքներով զբաղեցված: Անշուշտ, ընտրակրքերը զիջում են խորհրդարանական ընտրությունների էմոցիաներին, և պատճառը ոչ միայն այն է, որ ընդամենը 3 քաղաքական ուժ է մասնակցում, այլ այն, որ որքան էլ Երևանը կարևոր տեղ զբաղեցնի մեր կյանքում, ի վերջո, ընդամենը մեկ քաղաքի, թեկուզև գլխավոր, իշխանություն ենք ընտրում: Թեև պետք է արձանագրենք, որ Երևանի քաղաքապետի պաշտոնն ամենաշնորհակալ, ամենաազդեցիկ ու ամենացանկալի պաշտոններից է չկա քաղաքական պատասխանատվության այն աստիճանը, որն առկա է վարչապետի, Աժ և ՀՀ նախագահի պարագայում, բայց կան հզոր լծակներ ու գործունեության լայն դաշտ: Եվ եթե վարչապետի ու նախագահի պարագայում խնդիրները հաճախ անլուծելի են ու վերջիններիս անձից քիչ կախված, ապա քաղաքապետի լուծելիք խնդիրները լոկալ են ու միանգամայն հաղթահարելի: Ի վերջո, ինչ է ուզում երևանցին իր քաղաքապետից: Եթե պարզեցնենք խնդիրը, ապա գրեթե նույնը, ինչ սովորաբար պահանջում ենք ընտանիքի հորից խնամք, հոգածություն, Ֆինանսական ապահովություն, ջերմ ընտանեկան մթնոլորտ»,-գրում է թերթը:
Նյութն ամբողջությամբ կարդացեք թերթի այսօրվա համարում: