ՀՀ 6-րդ գումարման Ազգային ժողովի «Ծաոուկյան» պատգամավորական խմբակցության նորընտիր պատգամավոր Լուիզա Սարգսյանը կարծում է, որ ժամանակն է, որ հասարակական պատկերացումներում ընդդիմությունը չընկալվի որպես քաղաքական հիստերիա: Այս մասին Լուիզա Սարգսյանն ասաց armtimes.com-ի հետ զրույցում անդրադառնալով Ծառուկյան դաշինքի ընդդիմադիր գործունեությանը:
- Տիկին Սարգսյան, խնդրում եմ ասեք, թե խորհրդարանում ո՞ր հանձնաժողովում եք պատկերացնում Ձեր աշխատանքը:
- Ես դասավանդում եմ Հայաստանի ազգային պոլիտեխնիկական համալսարանի ռուսաց լեզվի ամբիոնում, բանասիրական գիտությունների թեկնածու եմ: Ինձ թվում է, որ ես պետք է կրթության ոլորտը ներկայացնեմ, որովհետև ես մինչ այսօր և հետայսու շարունակելու եմ աշխատել և դասավանդել, որովհետև իմ մասնագիտությունը դա է: Սա ուղղակի աշխատանք է, որ ինձ վստահել են, դարձել եմ ժողովրդի ընտրյալ: Պարտավոր եմ կատարել իմ աշխատանքն այս 5 տարվա ընթացքում: Ուզում եմ, որ սկիզբը լինի խոստումնալից, ընթացքը լինի արդար, ուղղամիտ, ու ինչ-որ մի պահ էլ կգամ և կկանգնեմ ժողովրդի առաջ, պարզ ճակատով կկանգնեմ»,-գրում է թերթը:
Նյութն ամբողջությամբ կարդացեք թերթի այսօրվա համարում: