Ներկայացնում ենք առավոտյան 9 սովորություն կյանքը դեպի լավը փոխելու համար: 

 Image result for полезные советы для здоровья

Առավոտյան 9 սովորություն

Շուտ արթնանալ

Պետք է արթնանալ, երբ ավարտվում է քնի հերթական ցիկլը: Լինում է, երբ պարբերաբար վաղ առավոտյան արթնանում եք, նայում եք ժամացույցին և շարունակում եք քնել: Այդ ժամանակը ձեր արթնանալու կենսաբանական ժամն է: Միաժամանակ, աշխատեք հնարավորինս շուտ պառկել քնելու և արթնանալ ձեր բնական ժամին:

Ձեթով ողողում

Նախքան առավոտյան ատամները մաքրելը բերանը 5 րոպեով ողողեք 1 թ/գ բուսական ձեթով: Յոգերի ավանդույթի համաձայն՝ դա բերանի խոռոչից հեռացնում է գիշերը կուտակված բակտերիաները և թարմացնում է շնչառությունը:

Մաքրեք լեզուն

Ձեթով ողողումից հետո անհրաժեշտ է մաքրել լեզուն քերիչով կամ սովորական թեյի գդալով:

Բարևիր արևին

Կա յոգայի պարզ վարժությունների համալիր, որը կոչվում է «Ողջույն արևին»: Այն ամեն օր կատարելով՝ դուք օրգանիզմն ակտիվացնում եք նոր օրվան ընդառաջ: Հակացուցումներ կան զարկերակային հիպերտենզիայի, ճողվածքների, հղիության դեպքում և ծննդաբերությունից 40 օր հետո:

Մերսում չոր սպունգով

Լոգանքից առաջ ամբողջ մարմինը մերսեք չոր սպունգով կամ խոզանակով: Կարճ մերսող շարժումներ կատարեք ձեռքերի և ոտքերի մատների ծայրերից սրտի ուղղությամբ: Հետո որովայնով, մեջքով և ուսերով: Հետո կարելի է դասական լոգանք ընդունել:

Կիտրոնով տաք ջուր

Առավոտյան ձեր առաջին ըմպելիքը պետք է լինի մեկ բաժակ տաք ջուրը կիտրոնի հյութով: Դա կօգնի սկսել մարսողական համակարգի աշխատանքը և վերականգնել օրգանիզմը գիշերը խոնավության կորստից հետո: Կիտրոնով ջուրն ակտիվացնում է լյարդը, ուստի այն ավելի լավ, քան պարզապես խմելու ջուրը ձեզ կպատրաստի աշխատանքային օրվան:

Նախաճաշ

Կիտրոնով ջրից 30 րոպե անց կարելի է նախաճաշել: Շատ յուղոտ կամ շատ օսլա պարունակող սնունդն ամիջապես քնկոտ է դարձնում: Իսկ չափազանց թեթև նախաճաշը կարող է քաղցի ուժեղ զգացում առաջացնել մի քանի ժամ հետո: Կարող եք ուտել ինչպես ձեթով աղցան, այնպես էլ փոքր քանակի ձեթով շիլա կամ բուտերբրոդներ:

Մեդիտացիա

Օրը սկսեք կարճ մեդիտացիայով և կզգաք տարբերությունը ձեր սովորական վիճակից արդեն մեկ շաբաթ անց:

Աշխատանքի տարեք ձեր ճաշը

Ճաշի համար ընտրեք այն մթերքները, որոնք ձեզ օգնում են հագեցած զգալ, բայց առանց ավելորդ ծանրության ու քնկոտության: Օրվա ընթացքում այդպես սնվելու դեպքում կկարողանաք պահպանել օրվա սկզբի էներգիան:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել