Tert.am-ը գրում է.
Պետք է գործ անել, որ Հայաստանը դառնա չքնաղ երկիր, պետք է հաջողության հասնել և դրանով ցույց տալ Հայաստանի հարևան երկրներին, որ իրենց ուզածը չի ստացվում:
Այս մասին այսօր Ծիծեռնակաբերդի հուշահամալիրում Ցեղասպանության զոհերի հիշատակին հարգանքի տուրք մատուցելուց հետո լրագրողների հետ զրույցում ասաց բարեգործ Ռուբեն Վարդանյանը:
«Ես վստահ եմ, որ մենք որպես ազգ կարող ենք լինել հաջող և այդ հաջողությամբ կարող ենք հաղթել բոլոր դժվարությունները, իսկ հաջողության հասնելու համար պետք է միանա Սփյուռքն ու հայությունը և գործ անենք, որպեսզի Հայաստանը դառնա չքնաղ երկիր: Այդ հաջողությամբ և զարգացմամբ պետք է ցույց տանք բոլորին՝ մեր հարևաններին, որ իրենց ուզածը չի ստացվում, որ մենք մեր լուման ենք ներդնում աշխարհի զարգացման մեջ և մենք ամեն ինչ անում ենք, որ աշխարհը, հիշելով, թե ինչ եղել է 102 տարի առաջ, հասկանա, որ մենք այն ազգն ենք, որ աշխարհին շատ բան ենք տալիս և տալու ենք, որ 3000 տարվա պատմություն ունենք»:
Ամբողջական հոդվածը կարող եք կարդալ այստեղ