Մարդկությունը դեռևս լիովին չի ուսումնասիրել, թե ինչպես են ազդում գազավորված ըմպելիքները առողջության վրա։ Սակայն որոշ բաներ, այնուամենայնիվ, արդեն բացահայտված են։
Այսօր BlogNews-ը կպատմի Ձեզ այն մասին, թե ինչպես են ազդում գազավորված ըմպելիքները մեր ատամների վրա։
Ուշադրություն ենք դարձնում պարունակության վրա
- Ցանկացած գազավորված ըմպելիք իր մեջ պարունակում է ածխածնի երկօքսիդի որոշ քանակություն, որի մեծ կենտրոնացումը բերում է էմալի ոչնչացմանը։ Դա իր հերթին առաջացնում է ատամների զգայունության աճ, կարիես և նույնիսկ ատամների փշրում։ Այս ամենը առավել վառ է արտահայտվում երեխաների ատամների վրա։
- Բոլոր գազավորված ըմպելիքները պատրաստվում են քաղցր –թթու հիմքի վրա, որը պարունակում է շաքար և որևէ թթու (օրինակ՝ կիտրոնի)։ Այս երկու բաղադրիչներն էլ շատ վնասակար են ատամների համար, քանի որ ոչնչացնում են էմալը և նպաստում կարիեսի առաջացմանը։
- Թեյն ու սուրճն անվնաս են ատամների համար։ Հիշեք, որ եթե նույնիսկ սև թեյ կամ սուրճ ըմպելուց հետո նկատվում է ատամների մգեցում, այդ ամենը չի ազդում ատամների առողջության վրա։
- Ատամների առողջության համար լավագույն մթերքները ջուրն ու կաթն են, որոնք պարունակում են այն բոլոր նյութերը, որոնք անհրաժեշտ են առողջ և ամուր ատամներ ունենալու համար։
Ի՞նչ անել
Այն մարդիկ, ովքեր շատ են սիրում գազավորված ըմպելիքներ, պետք է անպայման հետևեն մի շարք պրոֆիլակտիկ միջոցների՝ վնասակար ազդեցությունը նվազեցնելու համար։
- Փոխեք նախասիրությունները. գազավորված ըմպելիքների փոխարեն խմեք կաթ, ջուր կամ բնական հյութ և երեխաներին նույնպես սովորեցրեք այդպես անել։
Եթե, այնուամենայնիվ, չեք կարող հրաժարվել գազավորված ըմպելիքներից, ապա հնարավորինս նվազեցրեք դրանք բացասական ազդեցությունը։
- Դրանք խմելուց հետո բերանը ողողեք սովորական ջրով, որպեսզի մաքրեք մնացորդները։
- Օգտվեք ֆտոր պարունակող ատամի մածուկներից, քանի որ դրանք օգնում են ամրացնել ատամների էմալը։
- Գազավորված ըմպելքիները խմեք ձողիկի օգնությամբ։
- Դրանք օգտագործեք միայն սննդի հետ։
- Երբեք մի խմեք գազավորված ըմպելիքներ քաղցած վիճակում։
- Գազավորված ըմպելիքներ խմելուց հետո մի շտապեք ատամները մաքրել, քանի որ դա անելով դուք էլ ավելի եք վնասում ատամները։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել