ՀՀ տնտեսության զարգացման մեջ արդյունաբերական ոլորտի դերը շատ մեծ է: Իրականացվող գործընթացներին զուգահեռ՝ պետք է առավելագույնս ուշադրություն դարձնել բնապահպանական խնդիրներին:

Հայաստանում ներկայումս չկա մոնիթորինգային այնպիսի օրակարգ, որի շնորհիվ հնարավոր կլիներ տեղեկանալ ընդերքօգտագործման հետևանքով շրջակա միջավայրի տարբեր բաղադրիչների վրա իրական ազդեցությունների ու ռիսկերի ազդեցության մասին:

Գործադիր մարմնի ղեկավարի հանձնարարությամբ՝ համապատասխան գերատեսչության կողմից 3-ամսյա ժամկետում կմշակվի ընդերքօգտագործողների կողմից շրջակա միջավայրի մոնիթորինգի իրականացման և հաշվետվողականության հետ կապված ընթացակարգեր:

Դրանից զատ՝ պետությունը պատրաստվում է վերանայել գործընկերային պայմանավորվածություն ունեցող բոլոր ընդերքօգտագործող ընկերությունների լիցենզիաները: Ստանդարտ պահանջներին չհամապատասխանելու դեպքում պետությունը հետ կվերցնի լիցենզիաները: Խոսքը մասնավորապես գնում է ներդրում չկատարող ընկերությունների մասին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել