ԱՄՆ նախագահ Դոնալդ Թրամփը ստորագրել է հրաման, որը կոչված է պաշտպանելու աշխատանքի ազգային շուկան և խթանելու երկրում արտադրված ապրանքների գնումը։ Այս մասին ասվում է Սպիտակ տան կայքում հայտնված հաղորդագրությունում։
Փաստաթուղթը կոչվում է «Գնի՛ր ամերիկյանը և վարձի՛ր ամերիկացիներին»։ Սպասվում է, որ դրա գործողությունը կհանգեցնի վիզային քաղաքականության, ինչպես նաև պետական գնումների ու առևտրային համաձայնագրերի անցկացման պայմանների փոփոխման։
Մասնավորապես այն ուղղված է ԱՄՆ-ում արտադրված ապրանքների մասնաբաժնի մեծացմանը կառավարական կառույցների կողմից պետական գնումների ընթացքում։
Թրամփը հանձնարարել է ՆԳՆ-ին, Արդարադատության նախարարությանն ու Ազգային անվտանգության նախարարությանն առաջարկություններ առաջ քաշել ծրագրերի փոփոխման վերաբերյալմ որը թույլ է տալիս ամերիկացի գործատուներին աշխատողներ վարձել արտերկրից։
ԱՄՆ կառավարությունը 85 հազար ժամանակավոր աշխատանքային H-1B վիզա է բաշխում օտարերկրացիների շրջանում վիճակախաղի օգնությամբ, ծրագիրը հիմնականում կիրառվում է տեխնոլոգիական ոլորտում։
Նախագահի վարչակազմի նպատակն է համոզվելը, որ նման վիզաները տրվում են միայն ամենաորակավորված մասնագետներին։
Reuters-ի տվյալներով՝ անցած տարի ԱՄՆ-ում Facebook-ի աշխատողների ավելի քան 15 տոկոսն աշխատել է ժամանակավոր աշխատանքային վիզայով։