Operativ.am-ը գրում է․
Ազատ եգիպտոսցիների կուսակցության պատգամավոր Ռիյադ Աբդել Սաթթարն առաջարկել է «Facebook» սոցիալական կայքը վճարովի դարձնել ողջ Եգիպտոսի տարածքում: Այս մասին գրում է Life.ru-ն՝ հղում տալով «Egypt Independent»-ին:
Աբդել Սաթթարն իր առաջարկությունը հիմնավորել է նրանով, որ «Facebook»-ի վճարովի դառնալը կօգնի պայքարել արմատականության, բռնության և ատելության թեժացման դեմ:
«Ազգային անվտանգության հետաքրքրությունները պահանջում են նմանատիպ վերահսկողություն, մասնավորապես, այն պայմաններում, երբ երկրում արգելված «Մուսուլման եղբայրներ» ասոցիացիայի ակտիվիստներն օգտագործում են սոցիալական կայքերն իրենց նպատակներով»,- նշել է խորհրդարանականը:
Եթե նրա առաջարկությունն ընդունեն, ապա սոցկայքը կարժենա ամսական 200 եգիպտական ֆունտ, որը հավասար է մոտավորապես 11 դոլարի: