Պետությունը տնտեսական գործընթացներում հանդես է գալիս ոչ միայն օրենքները և սահմանված ստանդարտները խախտողին պատժելով, այլ նաև խրախուսում է օրինապահ տնտեսվարողներին: Այլ կերպ ասած՝ վերջինս կիրառում է կարկանդակի և մտրակի քաղաքականությունը:
Սպասվում է, որ պետությունը խրախուսելու է սննդամթերքի անվտանգության բոլոր չափանիշներին համապատասխանող մսի իրացման կետերի գործունեությունը:
Այսուհետև մսի այն վաճառակետերին, որոնք կապահովեն անասնաբուժական և սանիտարահիգիենիկ բոլոր սահմանված չափանիշները, կտրվեն համապատասխան տեղեկատվական պիտակներ, ինչը նաև հանրության իրազեկման նոր մշակույթ է Հայաստանում:
Դրա շնորհիվ հանրությունը կիրազեկվի, որ այդ խանութներն արդեն համապատասխանում են ՀՀ օրենսդրությամբ սահմանված պահանջներին. պահպանված են սանիտարահիգիենիկ բոլոր նորմերը, իսկ սրահի աշխատակիցներից յուրաքանչյուրն ունի իր նախնական և պարբերական բուժզննությունը փաստող սանիտարական գրքույկ:
