Բաղադրիչներ
- հավի միս - 1 կգ (խճողակ)
- չորահաց - 3 ճ/գդ + թաթախելու համար
- ձու - 2 հատ
- աղ - ըստ ճաշակի
- պղպեղ սև - ըստ ճաշակի
- Միջուկի համար՝
- սունկ շամպինիոն - 150 գր
- ձու - 1 հատ (խաշած)
- ձիթապտուղ սև - մի քանի հատ
- մաղադանոս - 1-2 ճյուղ
- սամիթ - 1-2 ճյուղ
- սոխ - 1 գլուխ
- աղ - ըստ ճաշակի
- պղպեղ սև - ըստ ճաշակի
Պատրաստման եղանակ
- Սունկն ու սոխը մանր կտրատում ենք և միջին ուժգնության կրակին բուսայուղով տապակում: Լցնում ենք կաթսայի մեջ, ավելացնում մանր կտրատած ձուն, ձիթապտուղն ու կանաչին: Այնուհետև աղ ենք ցանում ու խառնում:
- Խճողակը լցնում ենք կաթսայի մեջ, ավելացնում ենք ձուն, չորահացը, աղն ու պղպեղըև խառնում ենք:
- Ձևավորում ենք կոտլետներ: Մի կտոր խճողակ ենք վերցնում և տափակացնում: Մեջտեղում դնում ենք մի քանի թեյի գդալ միջուկ:
- Խճողակով ծածկում ենք, թաթախում չորահացի փշրանքի մեջ:
- Տապակում ենք բուսայուղով ոչ ուժեղ կրակի վրա: Ահա և վերջ:
Միևնույն եղանակով կարելի է պատրաստել կոտլետներ հավի մսով և ցանկացած այլ միջուկով: Իսկ մատուցել կարելի է թե՛ կարտոֆիլի խյուսի և թե՛ փլավների հետ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել