Աթկինսի դիետան բաղկացած է երկու ֆազայից։
Առաջին ֆազայի տևողությունը 2 շաբաթ է, նրա հիմնական նպատակը նյութափոխանակության վերակառուցումն է, սովորեցնել օրգանիզմը այրել ճարպերը և ոչ ածխաջրերը: Եվ ամենակարևորը` ճիշտ սննդակարգի սովորություն ձեռք բերել: Առաջին ֆազայի ժամանակ տեղի է ունենում զգալի քաշի կորուստ, երկրորդի ժամանակ` այդ էֆեկտի ամրապնդում:
Երկրորդ ֆազայի դեպքում տեղի է ունենում քաշի դանդաղ, սակայն կայուն կորուստ, իսկ ցանկալի արդյունքի ստացման դեպքում ամրապնդվում է: Բացի դրանից՝ բժիշկ Աթկինսը հավաստիացնում է, որ երկրորդ ֆազայի ընթացքում տեղի է ունենում արյան մեջ շաքարի տոկոսի կայունացում, վերանում է քաղցրի նկատմամբ ցանկությունը և սնվելու այլ վնասակար սովորություններ:
Աթկինսի դիետան քիչ ածխածնային դիետա է, որի ժամանակ տեղի է ունենում ածխաջրերի քանակության խիստ սահմանափակում: Միևնույն ժամանակ, ճարպերի սպիտակուցների քանակը ոչ մի կերպ չի սահմանափակվում:
Ներքոնշյալները Աթկինսի դիետայի առաջին ֆազայի հիմնական օրենքներն են`
Ածխաջրերի օգտագործումը սահմանափակվում է օրական քսան գրամով, ինչը բավականին խիստ սահմանափակում է:
Պետք է պահպանել սնվելու սովորական ռեժիմը, ուտել նույն քանակությամբ, սակայն ուտելով միայն այն մթերքները, որոնք թույլատրվում են առաջին ֆազայում:
Ուտելիքի կալորիականությունը և ընդհանուր քանակը չի սահմանափակվում: Ուտել պետք է միայն այն ժամանակ, երբ սով եք զգում:
Առաջին ֆազայի համար նախատեսված մթերքներ
Առաջին ֆազայի համար նախատեսված մթերքների շարքում կան այնպիսիք, որոնք թույլատրելի է օգտագործել ցանկացած քանակությամբ` միս, թռչնամիս, ձուկ, և ոչ դրանց պատրաստուկները` երշիկ, ապուխտ, պաշտետ և այլն:
Պանրի տեսակների մեծ մասի մեջ ածխաջրերի պարունակությունը համարյա զրոյական է, և այդպիսի պանրի տեսակների օգտագործումը այս դիետայով չի սահմանափակվում: Սակայն պետք չէ մոռանալ, որ պանրի մի շարք տեսակներ, հատկապես հալած, քաղցր պանրիկները պարունակում են զգալի քանակությամբ ածխաջրեր:
Ինչպես և պանիրների մեջ ծովամթերքների մեջ ածխաջրերի քանակությունը համարյա հավասար է զրոյի, կարելի է օգտագործել նաև ձու, սակայն այլ որևէ մթերքների ավելացմամբ, որոնք պարունակում են ածխաջրեր:
Բանջարեղեն և կանաչի, վարունգ, բողկ, պղպեղ, սխտոր, ձիթապտուղ, մաղադանոս, ռեհան, թարխուն և այլն
Սունկ
Սառը զտման բուսական յուղեր, բնական կարագ, ձկան յուղ
Ըմպելիքներ՝ ջուր՝ սովորական և հանքային, թեյ առանց շաքարի (նախընտրելի է կանաչ կամ խոտաբույսերից պատրաստված)
Ոչ մեծ քանակությամբ կարելի է օգտագործել`
Լոլիկ, կաղամբ, սմբուկ, կանաչ ոլոռ, սոխ, սպանախ, և այլն
Թթվասեր
Աթկինսի առաջին ֆազայում արգելվում է օգտագործել հետևյալ մթերքները`
Շաքար և քաղցրավենիքներ
Հաց, խմորեղեն
Միրգ, կրախմալ պարունակող բանջարեղեն
Մարգարին, խոհարարական յուղեր
Ալկոհոլ
Երկրորդ ֆազա
Առաջին ֆազայի ավարտից հետո, որը տևում է 14 օր, պետք է անցնել երկրորդ ֆազային, որի պահպանումը անհրաժեշտ է ամբողջ կյանքի ընթացքում: Երկրորդ ֆազայի սկզբում անհրաժեշտ է շարունակաբար ավելացնել ածխաջրերի քանակը, և ընտրել այնպիսի մակարդակ, որի սահմանների ներքո ձեր քաշը իջնում է դանդաղ և կայուն ընթացքով: Այդուհանդերձ, պետք է լիովին անհետանան հիպոգլեկիմիայի երևույթները արյան մեջ, որոնք առաջին ֆազայի դեպքում ուղղակի անխուսափելի են` քնկոտություն, թուլություն, աշխատունակության անկում, սովի անընդհատ զգացողություն: Երբ մարմնի անցանկալի քաշի կորուստ է գրանցվում, անհրաժեշտ է ևս մի փոքր քանակությամբ ավելացնել աշխաջրերի քանակությունը սննդակարգում մինչև այն մակարդակը, որը թույլ կտա ձեր քաշին կայունանալ անհրաժեշտ մակարդակի վրա:
Աթկինսի դիետան պահանջում է սպառվող ածխաջրերի անընդմեջ հաշվարկ, ինչպես նաև քաշի անընդհատ վերահսկողություն: Դրա համար անհրաժեշտ է ամեն օր նույն ժամին կշռվել:
Երկրորդ ֆազայի դեպքում թույլատրելի են առաջին ֆազայի ժամանակ արգելված մթերքներից որոշները` բանջարեղեն, հատապտուղներ, մրգեր:
Եթե դիետայի երկրորդ ֆազայի ժամանակ տեղի են ունեցել սննդակարգի լուրջ խանգարումներ, ինչի արդյունքում սկսել եք արագ քաշ հավաքել, անհրաժեշտ է կրկնել առաջին ֆազան:
Աթկինսի դիետան խիստ հակացուցված է շաքարային դիաբետի, հղիության և կրծքով կերակրելու ժամանակ:
Այն հակացուցված է նաև խոլեստերինի բարձր մակարդակի դեպքում: Դիետան կարելի է պահել միայն նախապես մանրազնին բժշկական հետազոտություն անցնելուց հետո, այլ կերպ առողջությանը կարող է լուրջ վնաս հասցվել:
