2013285_univ_lsr_lgAraratnews.am-ը գրում է.

ՌԴ արդարադատության նախարարությունը կասեցրել է «Եհովայի վկաների վարչական կենտրոնի» գործունեությունը. այս մասին հաղորդել է Ria.ru-ն՝ հղում կատարելով նախարարության մամուլի ծառայությանը:

Կազմակերպությունը, որը ներկայացնում է «Եհովայի վկաներ» կրոնական ուղղությունը, ընդգրկվել է հասարակական և կրոնական միավորումների ցուցակում, որոնց գործունեությունը Ռուսաստանի Դաշնությունում կասեցված է՝ դրանց ծայրահեղական գործունեության պատճառով:

Ապրիլի 5-ին ՌԴ Գերագույն դատարանը կքննի արդարադատության նախարարության՝ կազմակերպությունը ծայրահեղական ճանաչելու և Ռուսաստանի տարածքում դրա գործունեությունն արգելելու վերաբերյալ հայցը:

«Եհովայի վկաների» ռուսական մասնաճյուղի ղեկավար Վասիլի Կալինը ներկայիս դատաքննությունն անվանել է եկեղեցու 175 հազար հետևորդների կյանքում ամենադժվար ժամանակահատվածը:

«Նրանք խիստ պատժի են ցանկանում ենթարկել մեր 396 կազմակերպություններին՝ առգրավելով հավատացյալներից նրանց պաշտամունքի համար նախատեսված բոլոր տներն ու այլ գույք: Եթե արդարադատության նախարարությունը հասնի իր ուզածին, հավատացյալներին կսպառնա մինչև 10 տարվա ազատազրկում»,- ասել է հոգևոր առաջնորդը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել