Լիովին սև լուքն ամենատարածված լուծումներից է: Շատերիս այն դուր է գալիս, քանի որ միևնույն ժամանակ և՛ պրակտիկ է, և՛ ոճային: Սակայն հաճախ կա մտավախություն թաղումային տեսք ունենալու:
BlogNews-ը ձեզ է ներկայացնում 9 տարբերակ ոտքից գլուխ սև հագնելու և թաղումային տեսք չունենալու:
1. Համալրեք լուքն ինչ-որ պրինտով
Լիովին սև լուքը հիանալի հարթակ է վառ և աչքի ընկնող աքսեսուարների համար: Ընձառյուծի պրինտով զգեստ կրելը գուցե և լավ միտք չէ, իսկ այ ընձառյուծի պրինտով կլատչը լուքին սրություն և ոճայնություն կհաղորդի:
2. Համալրեք լուքն ինչ-որ վառ գույնի դետալով
Պայուսակները միակ աքսեսուարը չեն, որ կարող են լիովին սև լուքին կյանք հաղորդել: Գեղեցիկ, վառ գույնի մետաքսե շալը ձեզ էլեգանտ և նրբաոճ տեսք կհաղորդի:
3. Օգտագործեք երևացող, աչքի ընկող գոտի
Մետաղյա կամ էլ ինչ-որ գույնի գոտի կրելը ունի 2 դրական էֆեկտ: Առաջին՝ այն տեսքին chic (շիկ) է հաղորդում: Երկրորդ՝ կրելով գոտին իրանի վրա՝ դուք այն ընդգծում եք և էլ ավելի նիհար տեսք եք ստանում:
4. Կրեք աչքի ընկնող կոշիկներ
Զգո՞ւմ եք տենդենցիան: Լիովին սև լուքի գլխավոր «փրկիչը» աքսեսուարներն են: Աչքի ընկնող և նորաձև կոշիկները ձեր լավագույն ընկերներն են: Այստեղ կա մի կարևոր պահ. վառ և աչքի ընկնող կոշիկները պարտադիր չէ, որ լինեն բարձրակրունկներ, դրանք կարող են լինել վերջին տարիներին չափազանց նորաձև slip on-ներ:
5. Համադրեք տարբեր գործվածքներ և կտորներ
Խորհուրդ է տրվում լիովին սև լուքում անել տարբեր գործվածքների համարձակ համադրություններ՝ կաշի, մորթի, գործած կտոր, տրիկոտաժ, մետաքս և այլն:
6. Խաղացեք համամասնությունների և ուրվագծի հետ
Համադրեք լայն, oversized բլուզները կիպ տաբատների հետ, կիպ բլուզները՝ լայն տաբատների կամ կիսաշրջազգեստների հետ: Մոնոխրոմ լուքը հետաքրքիր պահելու համար հարկավոր է խաղալ սիլուետի (ուրվագծի) հետ:
7. Մի փոքր բացեք ձեր մաշկը ցանցանման կտորի շնորհիվ
Առաջին հայացքից սա բավականին ստանդարտ համադրություն է: Սակայն ցանցանման կտորի կիրառությունը տեսքին սեքսուալություն և գրավչություն է հաղորդում:
8. Եվ եթե կրել կարճ, ապա՝ համարձակ
Եվ ևս մեկ կարևոր կետ, որը առհասարակ վերաբերում է կարճ կիսաշրջազգեստներինՇ։ Եթե կրում եք շատ կարճ կիսաշրջազգեստ, ապա ընտրեք ավելի լայն մոդել, քանի որ կիպ, կարճ շրջազգեստներն ակումբային տրամադրություն են հաղորդում և առօրյայում տեղին չեն:
9. Ընտրեք սև իրեր փոքրիկ հետաքրքիր դետալներով համալրված
Նմանատիպ փոքրիկ դետալներ կարող են իրենց թույլ տալ ամենահամարձակները: Հենց դրանք են լուքը դարձնում տարբերվող և ոչ ստանդարտ: