Image result for airport x ray machineԱՄՆ իշխանություններն արգելք են սահմանում ձեռքի ուղեբեռում էլեկտրոնային սարքերի տեղափոխման վրա, ինչպիսիք են նոթբուքերն ու պլանշետները։ Արգելքը վերաբերում է ուղևորներին, ովքեր թռիչք կկատարեն Մերձավոր Արևելքի և Հյուսիսային Աֆրիկայի 8 երկրներից։ Այս մասին հայտնում է BBC-ն։

Այս մասին դեռևս պաշտոնական հայտարարություն չի արվել։ Սպասվում է, որ ԱՄՆ ներքին անվտանգության նախարարությունն այդ միջոցառումների մասին կհայտարարի երեքշաբթի։

Ամերիկյան վարչակազմի աղբյուրը հայտնել է, որ սահմանափակումները կվերաբերվեն 9 ավիաընկերությունների, որոնց ինքնաթիռները թռչում են ԱՄՆ 10 օդանավակայաններից։

Ամերիկյան ԶԼՄ-ների փոխանցմամբ՝ այդ միջոցառումները պայմանավորված են նոր հետախուզական տվյալներով և կվերաբերվեն բոլոր խոշոր էլեկտրոնային սարքերին։

Դեռևս հայտնի չէ, թե արգելքը որ ավիաընկերությունների վրա կտարածվի և որքան երկար կմնա ուժի մեջ։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել