Բաղադրիչներ
- Խմորի համար`
- կաթ - 375 մլ
- խմորիչ - 10 գր (չոր)
- ալյուր - 600-650 գր
- շաքարավազ - 1 ճ/գդ
- աղ - 1 թ/գդ
- կարագ - 60 գր
- Լցոնի համար՝
- միս տավարի (աղացած) - 600 գր
- սոխ - 1 գլուխ
- աղ - ըստ ճաշակի
- պղպեղ սև - ըստ ճաշակի
Պատրաստման եղանակ
- Պատրաստում ենք խմորը: Խմորիչն ու շաքարավազը լուծում ենք տաք կաթի մեջ, ավելացնում այնքան ալյուր, որ ստացվի թանձր թթվասերի խտության խմոր: Թթխմորը դնում ենք տաք տեղում, որ հասունանա: Երբ որ խմորն արդեն բարձրացել է, ավելացնում ենք հալեցրած կարագը (այն չպետք է տաք լինի) և աղը: Աստիճանաբար ավելացնում ենք ալյուրն ու հունցում այնքան, մինչև ստացվի համասեռ փափուկ խմոր:
Խմորը դնում ենք կարագով պատված կաթսայի մեջ, ծածկում ու տաք տեղում թողնում 1-1.5 ժամ: Այդ ընթացքում խմորի ծավալը կրկնապատկվում է: - Քանի դեռ խմորը հասունանում է, պատրաստում ենք լցոնը: Սոխը մանր կտրատում ենք, աղի ու պղպեղի հետ լցնում մսի մեջ և լավ խառնում:
- Հասունացած խմորը ճնշում ենք և սկսում պատրաստել բելյաշներ: Կտրում ենք մանդարինի չափի խմոր և ալյուր ցանած մակերևույթի վրա գրտնակում 0.3-0.5 սմ հաստությամբ: Ստացված բլիթի մեջտեղում խճողակ ենք դնում:
- Եզրերը վրա ենք բերում, մատներով սեղմելով ամրացնում և մեջտեղում փոքր բացվածք թողնում:
- Կարագը միջին ուժգնության կրակի վրա տաքացնում ենք (պետք է լինի 160 աստիճան): Բելյաշները (անցքը դեպի ներքև) տապակում ենք, մինչև վարդագույն դառնան:
- Այնուհետև շրջում ենք, կրակը մի քիչ թուլացնում ու տապակում մյուս կողմը:
- Համեղ բելյաշները պատրաստ են:
Վերջում հավելենք, որ բելյաշներ կարելի է պատրաստել թե՛ խոզի ու թե՛ տավարի մսով՝ ըստ նախասիրության:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել