Արյունը պետք է մակարդվի: Այդպես մարմինը կանգնեցնում է արյունահոսությունը: Դուք տեսել եք արյան թանձրուկները վերքերից, քերծվածքներից հետո:
Բայց երբեմն արյան թանձրուկները լինում են ոչ տեսանելի: Ու երբ դա տեղի է ունենում, սարսափելի է. հենց թրոմբներն են սովորաբար լինում ինֆարկտների, կաթվածների, սրտի նոպաների և այլ բժշկական լուրջ խնդիրների պատճառ:
Ներկայացնում ենք, թե ինչպես նախօրոք իմանալ, որ դուք կամ ձեր մտերիմներից մեկը կարող է թրոմբի խնդիր ունենալ։
1. Որևէ վերջույթի այտուց
Սովորաբար նման բան լինում է, երբ մարդը խորը երակների թրոմբոզ է ունենում: Դրա պատճառով արյան հոսքը մարմնի որոշ մասեր վատանում է, և կենսականորեն կարևոր ներքին օրգաններ դադարում են անհրաժեշտ քանակի թթվածին ստանալ:
Սա շատ վտանգավոր է, ուստի պետք չէ անտեսել այտուցները, հատկապես՝ ոտքերի:
2. Ցավեր ոտքերում
Խորը երակների թրոմբոզի ընդհանուր նշան են հաճախակի ցավերը և ծակծկոցը ոտքերի ստորին մասում: Հատկապես վտանգավոր է, եթե դա ուղեկցվում է հաճախակի ջղաձգություններով:
Ուստի նման դեպքում դիմեք բժշկի:
3. Տարօրինակ կարմիր գծեր մաշկի վրա
Կապտուկը թրոմբի ևս մեկ ձև է: Բայց եթե տեսնում եք կարմիր գծեր, որոնք գտնվում են երակներին զուգահեռ, դա պարզապես կապտուկ չէ: Անհապաղ բժշկի դիմեք:
Այդ կարմիր գծերը նաև սովորաբար շատ տաք են լինում շոշափելիս:
4. Ցավ կրծքում խորը ներշնչելիս
Սա կարող է խոսել այն մասին, որ արյան թանձրուկներ են սկսել կուտակվել արդեն թոքերում:
Դա մահացու վտանգավոր է, հանգուցալուծումը կարող է ցանկացած պահի վրա հասնել: Այդպիսի դեպքերում պետք է անհապաղ բժշկի դիմել:
5. Հևոց
Խոսքն այն դեպքերի մասին չէ, երբ սանդուղքով 15-րդ հարկ եք բարձրացել, այլ երբ հևոցն «առանց պատճառի է»: Այն ևս կարող է խոսել թոքերի շուրջ արյան թանձրացման մասին: Սովորաբար այն նաև ուղեկցվում է հանկարծակի գլխապտույտով:
Այս ախտանիշերից ցանկացածը պետք է ձեզ ստիպի անհապաղ բժշկի դիմել:
6. Անբացատրելի հազ
Եթե առանց պատճառի եք հազում (այսինքն՝ մրսած չեք, չեք ծխում, իսկ ռենտգենը ցույց է տվել, որ թոքերը մաքուր են), պետք է ավելի հաճախ ուշադրություն դարձնեք սրտի ռիթմին և շնչառության ռիթմին:
Եթե հազն ուղեկցվում է կրծքավանդակում ցավով, անհամաչափ ռիթմով կամ անբացատրելի հևոցով, պետք է բժշկի դիմեք:
