Apple ընկերությունը պլանավորում է թողարկել iPhone 8՝ 5.8-դյույմանոց OLED էկրանով: Այս մասին գրել Է Nikkei Asian Review-ն՝ վկայակոչելով սեփական աղբյուրները:
«Նոր iPhone-ը, որը կներկայացնեն արդեն այս աշնանը, կթողարկվի երեք կոնֆիգուրացիաներով. երկու մոդելները LCD դիսփլեյով և մեկը՝ 5.8-դյույմանոց OLED էկրանով»,- ասված է վերլուծաբանների հաշվետվության մեջ: Ըստ որում՝ ավելի վաղ Nikkei-ի աղբյուրները նշել են, որ հեռախոսի մեծ տարբերակը կստանա 5.5-դյույմանոց էկրան:
Փետրվարի վերջին հաղորդվել Էր, որ iPhone 8-ը կզրկվի Lightning-ի հարակցիչից, և դրա փոխարեն սմարթֆոնը կստանա USB Type-C երկկողմանի 24-հպումային հարակցիչը, որն ստանդարտ է շատ այլ սարքերի համար:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
