1. Նրանք միշտ նյարդային են
Նրանք միշտ վախենում են, որ իրենց սուտը ջրի երես դուրս կգա: Այս վախը նրանց մշտական մտահոգության մեջ է պահում: Հաճախ վախենում են նաև նրանից, որ դիմացինը այլ կերպ կընկալի այն սուտը, որն ինքը հորինում է, և ամեն ինչ դրանից հետո պարզ կդառնա:
2. Նրանց պատմությունները հիմնականում ամբողջական չեն
Ստախոսները հիմնականում կենտրոնանում են իրենց պատմության մեկ ասպեկտի վրա և անտեսում են պարզագույն, հիմնական դրույթները:
3. Նրանք հաճախ են փոխում իրենց պատմությունը
Քանի որ նրանք հատուկ նպատակով կեղծ դեպքերի հաջորդականություն և կերպարներ են ստեղծում, հաճախ կարիք են ունենում հարմարվելու իրենց իսկ ստեղծած նորություններին: Հարցեր տվեք և ուշադրություն դարձրեք բոլոր մանրամասնություններին՝ դրանց ճշմարտացիությունը պարզելու համար:
4. Փորձում են շեղել դիմացինին
Նրանք նյարդային իրադրության մեջ են գտնվում և փորձում են շեղել մարդկանց՝ իրենց ստերի մեջ «խորանալու» մտքից: Իսկ լռությունը, որը հաճախ հարկադրաբար պահպանում են, լի է լինում դիմացինի կողմից ենթադրյալ վճիռների սպասումով:
5. Նրանք արագորեն փոխում են թեման
Երբ ստախոսը մի թեմա է բացում, որը հորինված է նրա կողմից, նա երկար չի կանգնում այդ թեմայի վրա, քանի որ խուսափում է դիմացինի ուշադրությունը դրա վրա կենտրոնացնելուց: Նրանք հաճախ փոխում են թեման՝ իրավիճակն իրենց ձեռքերում պահելու համար:
6. Արագորեն պաշտպանության են անցնում
Նրանք հաճախ մեղավոր են զգում իրենց ստերի համար: Դրա համար հաճախ պաշտպանական ռեակցիա են կիրառում՝ դիմացինի մոտ արդարանալու համար:
7. Չեն նայում աչքերի մեջ
Դժվար է ստել այն մարդուն, որի աչքերի մեջ ես նայում խոսելու պահին: Անընդհատ շարժվող հայացքը անազնվության նշան է: Անհանգիստ վարքագիծն ու շարժուձևը նույնպես խոսում են այն մասին, որ դիմացինդ ինչ-որ բան է թաքցնում: