Սխալված չենք լինի, եթե ասենք, որ 2014 թ-ից «Երևան Մոլ» առևտրի կենտրոնի տարածքում գործող Նավապետ Քիդի գանձերի կղզին դարձել է երևանցիների ու մայրաքաղաքի հյուրերի ամենասիրելի վայրերից մեկը, որտեղ ընտանեկան ժամանցի համար նախատեսված են բոլոր պայմանները: Հատկապես երեխաների համար սիրելի այս վայրը երբեք չի դադարում զարմացնել իր փոքրիկ ու մեծ հաճախորդներին: Դրա մասին են վկայում կենտրոնի՝ մշտապես համալրվող ատրակցիոնների և խաղասրահների ցանկն ու սպասարկման բարձր մակարդակը:

Ի՞նչ է առաջարկում իր հաճախորդներին արդեն սիրված ժամանցի այս մեգակենտրոնը. հարցի պատասխանը BlogNews.am-ը պարզել է Նավապետ Քիդի տնօրեն Աննա Մելքոնյանի հետ Կենտրոնում կատարած հետաքրքիր շրջայցի շրջանակներում:

«Կենտրոնի թիվ մեկ առավելությունն ահա այս թևկապն ու քարտն է, նրանք փոխկապակցված են: Երեխան մտնում է խաղասրահ և այնտեղից նրան վերցնել կարող է միայն ծնողը, ում մոտ էլ գտնվում է քարտը: Եթե ծնողը երկար ժամանակով բացակայում է խաղասրահի տարածքից, ինչը շատ հաճախ է լինում, քանի որ խաղահրապարակից օգտվելը ժամային սահմանափակում չունի, և ծնողները հանգիստ թողնում են երեխաներին ու գնում գնումների, ապա թևնոցի մեջ պարունակվող ծնողի տվյալները, հեռախոսահամարը օգնում են միանգամից կապ հաստատել ծնողի հետ այն դեպքերում, երբ երեխան սկսում է անհանգստանալ»,- ասում է Աննա Մելքոնյանն ու հավելում,- «Երեխաների անվտանգությունը մեր խաղահրապարակի թիվ մեկ առավելությունն է»:

    

Նավապետ Քիդի ամենաթարմ նորույթներից մեկն ահա այս համալրումն է, որը նախատեսված է ամենակրտսերների համար:

 

Կենտրոնի վերջին նորույթներից է նաև մանկական սրճարանը, որը նեկայացնում է Jazzve Kids բրենդը: Սրճարանում բավականին մատչելի պայմաններով մանկական ուրախ ու գեղեցիկ տարեդարձներ են կազմակերպվում:

IPLAYCՕ, Falgas, Sega, Namco Ice աշխարհահռչակ բրենդների բարձրորակ խաղահրապարակներն ու ատրակցիոնները ստեղծում են հեքիաթի իրական զգացողություն, ու անկախ տարիքից՝ այստեղ ամեն մարդ արկածախնդիր է դառնում:

Վիդեոխաղեր՝ ըստ նախասիրության՝ դահուկ, հրացան, մոտոցիկլետներ, մեքենաներ, սարսափի սենյակ, տարբեր տարիքի երեխաների, ինչպես նաև մեծերի համար, մեծ ու փոքր խաղահրապարակներ, որտեղ Ձեր երեխաներին կխնամի կենտրոնի փորձառու և բարեհամբույր անձնակազմը: էքստրեմալ զգացողությունների սիրահարների համար օդային ատրակցիոն, բազմաթիվ կարուսելներ, խաղային ապարատներ ու ճոճանակներ, ավտոդրոմ ու բատուտներ:

        

Ի դեպ՝ ավտոդրոմի մասին. այն մաքսիմալ անվտանգ է անգամ ամենափոքրերի համար, եթե, իհարկե, արդեն քայլել ու աջն ու ձախը տարբերել գիտեն: Բանն այն է, որ անգամ մեծ ցանկության դեպքում այս մեքենաները մեծ արագություն չեն կարող հավաքել, քանի որ հատուկ այդպես է կարգավորված, սակայն, ըստ հաճախորդի ցանկության, այն կարող է ավելի արագ շարժվել: Բացի այդ՝ երեխան մեքենայի մեջ մաքսիմալ ամուր է ֆիքսված նստատեղին:

Լեռնագնացության առաջին փորձերը Ձեր երեխան կարող է անել ահա այս մագլցման պատի վրա: Սա կենտրոնի այն ատրակցիոններից է, որտեղ կարող են մրցել ինչպես երեխաները, այնպես էլ ծնողները:

   

Triotech բրենդի XD կինոթատրոնում Դուք և Ձեր երեխաները ձեզ իսկական կինոյի հերոսներ կզգաք: Այստեղ կինոդիտումները նախատեսված են տարիքային բոլոր խմբերի համար, եթե միայն ձեր հասակը գերազանցում է այս սեղանի բարձրությունը (1մ):

 

Ֆիլմի դիտումն ուղեկցվում է նրա սյուժեում Ձեր անմիջական մասնակցությամբ: Ձեր գործողություններից է կախված՝ ով կհաղթի, կամ ինչպես կավարտվի պատմությունը:

Օդաչուի խցիկ. այս տեսախաղն էլ թույլ կտա Ձեզ ու Ձեր երեխային վայելել օդաչուի մասնագիտության ողջ հաճույքը, վտանգն ու ազատությունը   

Մանկական բոուլինգ. սա ևս եզակի երևույթ է մեր քաղաքում: Այստեղ կարող են խաղալ ինչպես երեխաները, այնպես էլ մեծերը:

Կենտրոնում գործող ծառայությունների մեկնարկային գինը 200 դրամ է, իսկ ամենաթանկ ծառայությունը՝ 2000 դրամ: Ծառայություններից օգտվելու համար անհրաժեշտ է ձեռք բերել քարտ, որը կարող եք լիցքավորել, որքան կցանկանաք, սակայն միանվագ լիցքավորելով 5000 դրամ՝ Դուք կստանաք հավելյալ 1000 դրամ բոնուս, իսկ խաղային ապարատների վրա խաղալով՝ կկուտակեք միավորներ, որոնք կարող են փոխանակվել նվերներով ու նոր միավորներով Նավապետ Քիդի գանձերի կղզում:

«Մեր կենտրոնում ևս մեկ ծառայություն կա. Ձեր փոքրիկին անհոգ կարող եք թողնել մեր կենտրոնում և զբաղվել Ձեր գործերով, այստեղ Ձեր փոքրիկին կզբաղեցնեն, կխաղացնեն ու կխնամեն: Ծառայությունը գործում է ժամավճարի սկզբունքով (1ժ՝ 1000 դրամ): Ներկա պահին ունենք ևս մի հրաշալի ակցիա, որը KinoPark-ի հետ ենք նախաձեռնել: Կինոթատրոնի տոմսը ներկայացնելու դեպքում երեխայի ժամանցը կենտրոնում 50 տոկոսով զեղչվում է, և ծնողը կարող է իր երեխային թողնել մեզ մոտ ու հանգիստ գնալ կինո դիտելու»,- նշում է Նավապետ Քիդի տնօրեն Աննա Մելքոնյանն ու շարունակում,- «Մենք սիրում ենք մեր հաճախորդներին ու սիրով սպասում ենք նրանց: Այսպիսի մի բան կա. մեզ մոտ աշխատանքի ընդունվելու ամենակարևոր պայմանը երեխաներին շատ սիրելն է: Դա շատ լավ են զգում մեր հաճախորդները, հատկապես երեխաները, և հենց դա էլ երևի մեր հաջողության գլխավոր գաղտնիքն է»:

Նավապետ Քիդի գանձերի կղզին սպասում է իր հաճախորդներին ամեն օր՝ 10:00-22:00 ընկած ժամանակահատվածում: Ուրախ ու հաճելի ժամանց Ձեզ՝ Երևանի՝ զվարճանքներով ու անակնկալներով լի ամենամեծ մանկական ժամանցի կենտրոնում:

   

Նյութը՝ Արմինե Հայրապետյանի

Լուսանկարները՝ Գրիգոր Հովսեփյանի

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել