««ՉԻ» տեղեկություններով՝ Արագածոտնի նախկին մարզպետ Սարգիս Սահակյանը, որը ղեկավարում է Արագածոտնի ՀՀԿ նախընտրական շտաբը, փետրվարի 21-ին հավաքել էր իրեն հավատարիմ մնացած համայնքապետերին ու մինի քննարկում էր կազմակերպել։ Քննարկումն ընթացել է խնջույքի համեստ սեղանի շուրջ՝ միասին մի կտոր հաց ուտելու պատրվակով։ Նախկին մարզպետը ձեռքի հետ էլ պահանջել է ներկայացնել հստակ թվեր, թե որ գյուղը ինչքան ձայն կբերի իր եղբոր, պատգամավորության թեկնածու Նաիրի Սահակյանի օգտին։ Սարգիս Սահակյանը բաց տեքստով նշել է, որ ընտրողներին փող բաժանելու հարցում ինքը պատրաստ է, սակայն համայնքապետերը պատասխան են տալու յուրաքանչյուր ձայնի համար։ Վերջում նա որպես գաղտնիք ներկաներին ասել է. «Ընտրություններից հետո, երբ եղբորս պատգամավոր դարձնենք, ես նորից եմ վերադառնալու մարզպետի պաշտոնին։ Ես դեռ երիտասարդ եմ, ուժերս տեղը, փողից չեմ նեղվում,նախագահի մոտ էլ իմ խոսքն անցնում ա». հայտարարել է Արագածոտնի նախկին մարզպետը»,–գրում է թերթը։
Մանրամասները՝ թերթի այսօրվա համարում։