Բաղադրիչներ
- պատրաստի շերտավոր խմոր - 500 գր
- նրբերշիկ - 350 գր
- ձվի դեղնուց - 1 հատ
- աղ - ըստ ճաշակի
- պղպեղ սև - ըստ ճաշակի
Պատրաստման եղանակ
- Սառեցված շերտավոր խմորն ու նրբերշիկը հանում ենք սառնարանից։ Շերտավոր խմորը ուղղանկյունաձև գրտնակում ենք։ Խմորը երկարությամբ ցանկացած լայնությամբ կտրատում ենք։ Ավելի նպատակահարմար է նեղ ժապավեններ կտրել։
- Թվով կենտ ժապավենները բարձրացնում ենք վերև և մեջտեղի հատվածից հետ ծալում։
- Խմորի մեջտեղի հատվածում վիենական նրբերշիկ ենք դնում։
- Ծածկում ենք ծալած ժապավեններով, այժմ թվով զույգ ժապավեններն ենք վերև ծալում։ Նույն կերպ ծալում ենք մինչև վերջ և անցնում հաջորդ կողմին (նույն բանը անում ենք հաջորդ կողմից)։
- Խմորի վրա դեղնուց ենք քսում, ըստ ցանկության աղ և պղպեղ ենք անում և թխում ենք 200 աստիճան տաքացրած ջեռոցում` մինչև շերտավոր խմորը ոսկեգույն դառնա։
- Բարի ախորժակ։
Այսպիսով, պատրաստեցինք մեծերի և փոքրերի սիրված ուտեստներից մեկը` նրբորշիկով կարկանդակ։ Ցանկալի է փոքր-ինչ թանկ, բայց որակյալ նրբերշիկներ գնել, որպեսզի ուտեստն ավելի օգտակար լինի:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել