Լեռնային Ղարաբաղի շփման գծում միջադեպերի հետաքննության մեխանիզմի տեղադրումը հնարավոր կլինի, երբ Ադրբեջանը չխոչընդոտի այդ գործընթացին: Tert.am-ի հետ զրույցում այս մասին ասաց ԼՂ նախագահի մամուլի խոսնակ Դավիթ Բաբայանը՝ անդրադառնալով ԵԱՀԿ գլխավոր քարտուղար Լամբերտո Զանիերի հայտարարությանը: «Մենք մեր կողմից պատրաստ ենք գործարկել այն մեխանիզմները, որոնց շուրջ կողմերը համաձայնության են եկել: Համապատասխան պայմանների ստեղծման դեպքում մենք պատրաստ ենք գործարկել միջադեպերի հետաքննության մեխանիզմը»,-ասել էր Զանիերը:
Հարցին՝ համապատասխան ինչպիսի՞ պայմանների մասին է խոսում ԵԱՀԿ գլխավոր քարտուղարը, Դավիթ Բաբայանը պատասխանեց, որ այս հարցում մեկ պայման կարող է լինել՝ Ադրբեջանը ցուցաբերի կառուցողականություն: Հակառակ դեպքում, ըստ Բաբայանի, շփման գծում մեխանիզմների տեղադրման աշխատանքները, դժբախտաբար, առաջ չեն գնա:
Ամբողջական հոդվածը կարող եք կարդալ այստեղ:
Նյութի աղբյուր՝ http://www.tert.am/am/news/2017/02/21/davit-babayan/2285673
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել