Դուք հավանաբար, բացի հայերենից, այլ լեզուների էլ եք տիրապետում՝ ռուսերեն, անգլերեն, ֆրանսերեն, գերմաներեն, իսպաներեն և այլն: Սակայն այդ բոլոր լեզուներին տիրապետելը ոչինչ է կանանց լեզուն հասկանալու համեմատ: Բազմաթիվ ինտելեկտուալներ խոստովանում են, որ կանանց լեզուն հասկանալը թերևս ամենադժվար և անգամ անհնար բանն է:
BlogNews-ը որոշել է ձեզ փոքր-ինչ օգնել այս բարդ հարցում: Ձեզ ենք ներկայացնում մի քանի հիմնական և հաճախ օգտագործվող արտահայտություններ և դրանց իրական նշանակությունը:
1. «Ոչինչ»
Օօօ, սա հաստատ նշանակում է ինչ-որ բան: Հաստատ մի բան այն չէ, և ամենայն հավանականությամբ, մեղավորը դուք եք, այնպես որ, լավ կանեք՝ հնարավորինս արագ հասկանաք, թե ինչն այն չեք արել:
2. «Ես գե՞ր եմ»
Իրականում նա հարցնում է՝ արդյոք վատ/տգեղ տեսք ունի: Այս պարագայում ասեք «ոչ», ասեք դա հնարավորինս արագ, վստահ, անգամ զարմանալով, թե ինչպես նրա մոտ նման հարց կարող էր առաջանալ, և ամենակարևորը՝ ասեք սա առանց ավելորդ և անիմաստ ժպտալու:
3. «Ինչ ուզում ես, արա»
Ո՛չ, ո՛չ, ո՛չ, հանկարծ չանեք այն, ինչ ուզում եք: Սա թույլտվություն չէր: «Անգամ չհամարձակվես դա անել». ահա իրական իմաստը:
4. «Ո՛չ»
Հակառակ տարածված թյուր կարծիքի՝ կնոջ «ոչ»-ը «ոչ» է: Սա նշանակում է վերջ, խոսակցությունը փակված է:
5. «Միգուցե»
Կրկին «ո՛չ»՝ պարզապես փոքր-ինչ մեղմ կերպով ասված:
6. «Այո՛»
Մեծ մասամբ սա էլ է «ո՛չ», երբեմն լինում են բացառություններ, սակայն դրանք շատ դժվար է տարբերակել:
7. «Լավ»
Ոչինչ էլ լավ չէ, նա պարզապես նյարդայնացավ, եկավ այն եզրակացության, որ դուք անհույս եք և փակեց խոսակցությունը, քանի որ ինքը, միևնույն է, ճիշտ է:
8. «Ամեն ինչ կարգին է»
Ոչինչ էլ կարգին չէ, ոչինչ, պարզապես նրան ժամանակ է հարկավոր ձեզ համար պատիժ հորինելու համար:
9. «Դու գիտես, ինքդ որոշիր»
Եթե ձեզ թվաց, որ նա ձեզ ազատություն տվեց, ապա այո՛, ձեզ թվաց: Իրականում նա ցանկանում է, որ դուք կայացնեք այն ընտրությունը, որն ինքն է ուզում: Իսկ եթե դուք այլ ընտրություն անեք, ապա նա կասի՝ «ամեն ինչ կարգին է»:
10. *Բարձր հոգոց*
Նա կարծում է, որ դուք հիմար եք և զարմանում է, թե առհասարակ ինչու է ձեզ հետ ինչ-որ բան խոսում:
11. «5 րոպեից»
Իրականում կես ժամից ոչ պակաս, առանձին դեպքերում՝ մեկ ժամ:
12. «Ինչևէ»
Սա նշանակում է «լավ» կամ էլ շատ ավելի վատ:
13. «Մերսի»
Սա ուղղակի «մերսի» է, մի փորձեք թաքնված իմաստ գտնել, պարզապես ասեք՝ «խնդրեմ»:
14. «ՇԱՏ մերսի»
Այս սա երբեք մի՛ խառնեք «մերսի»-ի հետ, սա ունի հակադիր նշանակություն, և հանկարծ չասեք «խնդրեմ»: Սրան հիմնականում հաջորդում է *բարձր հոգոց*-ը, որը փաստում է, որ դուք նրան նեղացրել եք:
15. «Մի՛ անհանգստացիր դրա վերաբերյալ»
Հավանաբար նա արդեն մի քանի անգամ ասել էր, որ դուք դա անեք, իսկ հիմա արդեն նա ինքը կանի դա: Ձեր ցանկացած հետագա հարցը կհանգեցնի *բարձր հոգոց*-ի:
16. «Որտեղ ուզես, այնտեղ էլ կգնանք»
Հիմնականում սա նշանակում է «արի գնանք իմ սիրելի ռեստորանը»:
17. «Մենք պետք է խոսենք»
Վերջ, դուք մեռած եք, այլևս փրկություն չկա:
18. «Ի՞նչ ես անում»
Սա հարց չէ, սա նշանակում է, որ այն, ինչ անում եք, սխալ եք անում:
19. «Դու պետք է սովորես մարդկանց հետ շփվել»
Դուք պետք է սովորեք իր հետ շփվել, իսկ ավելի կոնկրետ՝ լսել նրան և համաձայնվել նրա հետ:
20. «Ես տխուր չեմ»
Նա տխուր է:
21. «Մեզ անհրաժեշտ է...»
Նրան անհրաժեշտ է...