Զգացողությունը, որ միևնույն իրավիճակում արդեն հայտնվել եք, արել և տեսել եք նույն բաները, կարող են վախեցնել Ձեզ և բառացիորեն թմրեցնել: Հատկապես երբ հստակ հասկանում եք, որ իրականում նման իրավիճակում երբեք չեք եղել:
Այդպիսի տարօրինակ զգացողություն ունենում է առողջ մարդկանց 60-70%-ը:
Դեժավյու առաջանում է հիմնականում 15-25 տարեկան անձանց մոտ: Ինչքան մենք մեծանում ենք, այնքան ավելի քիչ է նման դեպք պատահում: Առավել շատ հանդիպում է այն մարդկանց մոտ, որոնք կրթության բարձր մակարդակ ունեն, շատ են ճանապարհորդել և կենսապես ակտիվ են: Բացի այդ՝ դեժավյուի առաջացմանը նպաստում են հոգնածությունն ու սթրեսը:
Ե՞րբ է հարկավոր անհանգստանալ:
Դեժավյուն հազվադեպ դեպքերում կարող է էպիլեպսիայի ախտանիշ հանդիսանալ: Այդ հիվանդության առաջացմանը կարելի է կասկածել միայն հետևյալ նախապայմանների դեպքում.
1. Իլյուզիաները տեղի են ունենում ամսական մի քանի անգամ:
2. Ուղեկցվում են տարօրինակ, «հեքիաթային» տեսարաններով:
3. Երբեմն ավարտվում են առիթմիայով կամ գիտակցության կորստով:
Այնպես որ, ուշադիր լինելը երբեք չի խանգարի: Այդպիսի խնդրի դեպքում անհապաղ անհրաժեշտ է դիմել ոչ թե հոգեբույժի, այլ նյարդաբանի:
