բացել լրահոսը
15.02.2017  23:46

Ադրբեջանցի լրագրողը մեղադրել է Լուկաշենկոյին ստախոսության մեջ

Gagik Hambaryan

Картинки по запросу lukashenkoԶավեշտալի իրավիճակում է հայտնվել Բելառուսի բռնապետը։ Սիրելի և հարգելի Իլհամ Հեյդարի խնդրանքը կատարելով՝ հիմա էլ ազերի լրագրողն է Լուկաշենկոյին մեղադրել ստախոսության մեջ։
«Ազատություն» ռադիոկայանի բելառուսական ծառայության եթերում Դմիտրի Գուրևիչի «Ազատության փորձաքննություն» հաղորդաշարի շրջանակում բլոգեր Լապշինի՝ Բելառուսի կողմից Ադրբեջանին հանձնման փաստը քննարկելու ժամանակ ազերիական կայքերից մեկի լրագրող Զաուր Նուրմամեդովն, արձագանքելով Հայաստանը ներկայացնող փաստաբան Սիմոն Բաբայանի այն հայտարարությանը, որ ԻՆՏԵՐՊՈԼԸ միջազգային հետախուզում չի հայտարարել Ալեքսանդր Լապշինի նկատմամբ ասել է. «Ինտերպոլով հետախուզման փաստի մասին խոսում են Բելառուսի պաշտոնյաները։ Մեղադրանքները, որ այդպիսի հայց չի եղել, պետք է ապացուցել։ Դա արդեն լուրջ մեղադրանք է Բելառուսի իշխանությունների, այդ թվում նաև՝ թիվ մեկ պաշտոնյայի՝ Ալեքսանդր Լուկաշենկոյի հասցեին»։
Նուրմամեդովն ակամայից մեղադրել է Բելառուսի նախագահին ստախոսության մեջ՝ փորձելով վերջինիս պաշտպանել։ Չնայած նշեմ, որ Նուրմամեդովը չի էլ սխալվել։ Բատկան իրոք ստախոս է, քանի որ իր վերջին մամլո ասուլիսի ժամանակ, անդրադառնալով բլոգեր Լապշինի հանձնմանը Բաքվին, հայտարարել էր, որ Լապշինը ձերբակալվել էր Ինտերպոլի որոշմամբ։ Սակայն ընդամենը մի քանի ժամ անց Բելառուսի Գլխավոր դատախազության ներկայացուցիչը «ուղղել» էր Լուկաշենկոյին և ասել էր, որ Լապշինը չի ձերբակալվել Ինտերպոլի կողմից, այլ միջպետական հետախուզման մեջ է եղել և ձերբակալվել է ԱՊՀ երկրների միջև գործող համաձայնագրին համապատասխան։ Այսինքն՝ Մինսկն ընդունել էր, որ ընդամենը կատարել է Եվրոպայի վերջին և ապշերոնյան բռնապետների միջև կնքված գործարքը։
Լուկաշենկոյի ստախոսությունը առաջինը բացահայտել էին Հայաստանում։
Անտեղյակ ազերի լրագրողի փորձերը՝ պաշտպանել թուրքերին ծախված Բատկային, և հայերին ուղղված հարցադրումները ավելի վատ վիճակի մեջ են գցել Բելառուսին։ Այլ բան էր, երբ Լուկաշենկոյին ստախոսության մեջ են մեղադրում հայերը։ Բայց երբ այդ ամենը անում են ազերիները, դա ավելի շատ նման է դավաճանության։ 
Բելառուսի բռնապետը արժանի է Բաքվից հնչող այսպիսի «շնորհակալությանը»։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
Դիտվել է 1389 անգամ
Մեկնաբանել

x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝