Tert.am-ը գրում է․
Բրիտանական BBC հեղինակավոր պարբերականն ակնարկ է ներկայացրել Հայաստանի ֆուտբոլի հավաքականի ավագ և «Մանչեսթեր Յունայթեդ» անգլիական ակումբի կիսապաշտպան Հենրիխ Մխիթարյանի մասին:
Ինչպես ներկայացրել է BBC-ն ,Մխիթարյանն այժմ աշխարհի ամենահայտնի հայերից մեկն է և առաջինն, ով գոլ է խփել Անգլիայի Պրեմիեր լիգայում:
«Հայաստանում մեծանալը շատ դժվար էր այն տարիներին, քանի որ մենք շատ խնդիրներ ունեինք մեր հարևանների հետ, պատերազմ էր, ինչի հետևանքով շատ վատ պայմաններ էին ստեղծվել», -ներկայացնելով ֆուտբոլիստի հայկական ծագումը` պարբերականը մեջբերել է նրա խոսքը:
Անդրադառնալով իր կարիերայի վերելքին` Մխիթարյանը իր հարցազրույցներից մեկի ժամանակ նշել է, որ շնորհակալ է Դորտմունդի «Բորուսիայում» իր մարզիչ Յուրգեն Կլոպին, որի խորհուրդն իրեն օգնել է կայանալ որպես ֆուտբոլիստ: Մխիթարյանի խոսքով` Կլոպի խորհուրդներն իրենց օգնել են հաղթահարել նաև Պրեմիեր լիգայում հանդես գալիս առաջացած դժվարությունները:
Ինչպես ընդգծել է աղբյուրը, Մխիթարյանը, որը 6 լեզուների է տիրապետում, Անգլիա է տեղափոխվել 2015-ի հոկտեմբերին:
Ամբողջական հոդվածը կարող եք կարդալ այստեղ