«Արթիկում «Սաստեքս» տեքստիլ Ֆաբրիկայի կարի ուսուցման կենտրոնը բացելու ժամանակ մեծ թվով արթիկցիներ հավաքվել Էին իրադարձության վայրում։ Մենք հավաքվածներից մեկին՝ ազատամարտիկ Սուրեն Մովսիսյանին հարցրեցինք, թե 350-400 աշխատատեղերի բացումը ինչ-որ չափով կկասեցնի՝ արտագաղթը Արթիկից, հույսեր կապո՞ւմ են այս Ֆաբրիկայի հետ։ «էդ ինչքան փող պիտի տան, որ ես ապրեմ էստեղ, Հայաստան պետությունում փող չեն տալիս, որ ժողովուրդն ապրի, կոպեկներ են տալիս։ Արցախյան պատերազմից հետո ես 15 տարի է՝ խոպան եմ գնում-գալիս, Շուշիի ազատագրմանն եմ մասնակցել, վետերան եմ, Մոսկվա եմ գնում աշխատելու շինարարության վրա, էլ ճար չունեմ։ Մոսկվայում ինձ նորմալ են վճարում, համենայնդեպս, այնքան վճարում են, որ ընտանիք պահեմ»,– ասաց մեր զրուցակիցը։ Մեր հարցին՝ հայրենիքում ձեզ որպես Շուշիի ազատագրմանը մասնակցած ազատամարտիկի, աշխատանքի որևէ առաջարկ չի՞ եղել, Սուրեն Մովսիսյանը պատասխանեց. «Ոչ, ազատամարտիկներին առաջարկ չեն անում, ուր մնաց այստեղ հավաքված խեղճ ու կրակ ժողովրդին։ Ես ինքս հետաքրքրվել եմ, փորձել եմ ինչ-որ աշխատանք փետրել հայրենիքում, բայց գործ չեն տալիս, ասում են չկա, ծանոթ է, մանոթ է, էս է, էն է...Իրենք իրենցով տեղ են անում ու աշխատում»,–գրում է թերթը։
Մանրամասները՝ թերթի այսօրվա համարում։