Tert.am-ը գրում է.
Այսօր ՀՀ Կառավարության աշխատակազմի ղեկավար-նախարար Դավիթ Հարությունյանը ներկայացրեց ՀՀ վարչապետ Կարեն Կարապետյանի նշանակումից հետո տրված հանձնարարականների ամփոփումը:
«Սեպտեմբերի 15-ից մինչև հունվարի 12-ը Կառավարության նիստերին հնչել են տարբեր հանձնարարականներ, այս ընթացքում մշակվել է 101 իրավական ակտ, որից արդեն 51-ն ընդունվել է»,- ասաց Դավիթ Հարությունյանը:
Նա կարճ անդրադարձավ կարևոր և հանրային հնչեղություն ունեցող որոշումներին և առաջին խմբում նշեց պետական կառավարման համակարգի արդիականացումը.
«Կարևոր կետերից մեկը լիազորությունների ապակենտրոնացումն է: Կան նաև օրենսդրական փոփոխություններ, որոնք նախատեսում են, որ Կառավարությունը որոշումներ չի ընդունելու: Դրա վառ օրինակը վերջերս ընդունված այն կարգավորումն է, որ բացի պահուստային ֆոնդի միջոցով իրականացող վերաբաշխումները, մյուս բոլոր վերաբաշխումները կիրականացվեն հենց լիազոր մարմնի կողմից և այլև անհրաժեշտ չի լինի Կառավարության կողմից որոշման ընդունումը: Նմանատիպ փոփոխություններ տեղի են ունեցել նաև վարձակալական ՊՈԱԿ-ների վերաբերյալ և այլն»:
Ամբողջական հոդվածը կարող եք կարդալ այստեղ