Armenpress-ը գրում է.Մայրաքաղաքի աղբահանության և սանիտարական մաքրման խնդրի լուծման համատեքստում միջազգային օպերատորը՝ «Սանիթեք» ընկերությունը, 2016 թվականին լիարժեք ստանձնել է բոլոր վարչական շրջաններում համապատասխան ծառայությունների մատուցման իրականացումը: Այս մասին լրագրողների հետ հանդիպմանը ներկայացնելով Երեւանի քաղաքապետարանի 2016 թվականի հաշվետվությունն ու 2017 թվականի անելիքները՝ ասաց քաղաքապետի առաջին տեղակալ Կամո Արեյանը: «Ինչպես արդեն խոստացել էինք, նոր օպերատորն իրականացնում է ժամանակակից սպասարկում, աղբահանություն եւ սանիտարական մաքրում»,«Արմենպրես»ի հաղորդմամբ՝ ասաց նա: 2016 թվականին գործնական փուլ է մտել կոշտ թափոնների կառավարման ծրագրի կարեւորագույն բաղադրիչ հանդիսացող նոր աղբավայրի կառուցման ծրագիրը:
Պատրաստվել է նոր աղբավայրի կառուցման եւ հին աղբավայրերի անվտանգ սանիտարական մեկուսացման մրցութային փաթեթները, իսկ աշխատանքները կմեկնարկեն 2017 թվականին: Հին աղբավայրերի անվտանգ սանիտարական մեկուսացման ծրագրի շրջանակներում տեղադրվելու է գոյացող գազերի հավաքման համակարգ եւ կառուցվելու է էլեկտրակայան: 2014 թվականի Երևանում աղբահանության գործընթացը կանոնակարգելու նպատակով քաղաքապետարանի կողմից հայտարարված միջազգային մրցույթում հաղթած լիբանանյան «Sanitek s.a.r.l» ընկերությունը մայրաքաղաքում տվել է պայմանագրով պահանջվող համապատասխան ծառայությունների մատուցման մեկնարկը:
Նյութի աղբյուր՝ https://armenpress.am/arm/print/875063/kamo-areyany-kartsum-e-or-saniteq-y-liarzheq-e--katarel.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
