Tert.am-ը գրում է.
«Ելք» դաշինքի անդամ կուսակցություններից «Լուսավոր Հայաստանի» նախագահ Էդմոն Մարուքյանը պատասխանելով հարցին, թե ճի՞շտ է տեղեկությունը, որ հունվարի 26-ից դաշինքը մեկնում է ԱՄՆ այնտեղ նաև ճաշկերույթ –դրամահավաք անելու համար, ըստ էության չհերքեց` ասելով, որ նման բան նախատեսված չէ, բայց չեն հրաժարվի այդ թվում` նաև ֆինանսական աջակցությունից, եթե Լոս Անջելեսում բնակվող ՀՀ քաղաքացիները նման ցանկություն ունենան:
«Դրամահավաքի նպատակով չենք գնում, մենք գնում ենք «Ելք» դաշինքի գաղափարներն ու տեսլականը ներկայացնելու, Հայաստանի ապագայով մտահոգ մարդկանց հետ շփվելու, և եթե կլինեն Միացյալ Նահանգներում ՀՀ քաղաքացիներ, որոնք կցանականան աջակցել, կարող են ազատորեն, այդ թվում նաև` ֆինանսական աջակցություն ցույց տալ»,-մասնավորապես, ասաց Էդմոն Մարուքյանը:
Հարցին, թե «Ելք» դաշինքը ֆինանսական դժվարություննե՞ր ունի, Էդմոն Մարուքյանը պատասխանեց։ «Էնպես չի , որ օլիգարխների դաշինք ենք, բայց էնպես էլ չի, որ ֆինանսական խնդիրներ կան: Այսինքն` դաշիքն ունի նվազագույն միջոցներ քարոզարաշավն իրականացնելու և լավագույն արդյունքները գրանցելու համար, բայց , կրկնում եմ, եթե լինեն տարբեր թևերից ՀՀ քաղաքացիներ, որոնք ցանկանում են, որ Հայաստանում լինեն փոփոխություններ ընտրությունների միջոցով, կողջունեմ»:
Ամբողջական հոդվածը կարող եք կարդալ այստեղ
Նյութի աղբյուր՝ http://www.tert.am/am/news/2017/01/17/edmon-marukyan/2250501
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել