Հիսուս ասում է.
-Ե՛ս եմ ՀԱՐՈՒԹՅՈՒՆԸ և ԿՅԱՆՔԸ: Ով որ հավատում է ինձ, թեպետ և մեռնի, կապրի: Իսկ ով որ ողջ է և հավատում է ինձ, երբեք չի մեռնի:
(Հովհաննեսի ավետարան 11:25-26)
Եղբայրնե՛ր, ուզում ենք, որ մեռածների մասին ճշմարտությունն իմանաք, որպեսզի չտխրեք ուրիշների նման, որոնք որևէ հույս չունեն, որովհետև եթե հավատում ենք, որ Հիսուս մեռավ և հարություն առավ, նույնպես և հավատում ենք, որ Աստված Հիսուսի միջոցով և նրա հետ վերստին կյանքի կբերի նրանց, որոնք նրան հավատացին և մեռան:
Հետևաբար, ասում ենք ձեզ, ինչպես որ Տերն ինքը սովորեցրեց. մեզնից նրանք, որ ողջ մնացած կլինեն Տիրոջ գալուստի ժամանակ, մեռածներից առաջ չեն անցնի, որովհետև երբ հրամանը լսվի, հրեշտակապետն ազդարարի, և Աստծու փողը հնչի, Տերն ինքը կիջնի երկնքից, և նախ հարություն կառնեն նրանք, որ հավատացին Քրիստոսին ու մեռան: Եվ ապա մեզնից նրանք, որ այն ժամանակ դեռ ողջ մնացած կլինեն, նրանց հետ միասին ամպերի վրա կհափշտակվեն-կտարվեն երկինք՝ դիմավորելու Տիրոջը, և այնուհետև հավիտյան Տիրոջ հետ կլինենք:
Ուստի այս մտածումներո՛վ քաջալերեցեք միմյանց:
(Պողոս առաքյալի առաջին նամակը թեսաղոնիկեցիներին 4:13-18)
