բացել լրահոսը
29.12.2016  17:18

«Չինարիի» դիվերսիան հերթական անգամ մի քանի հանգամանքի մասին փաստեց...

Alen Ghevondyan

Картинки по запросу Չինարիի«Չինարիի» դիվերսիան հերթական անգամ մի քանի հանգամանքի մասին փաստեց...

Եթե այսօր ադրբեջանցիբերը Չինարիի հատվածում դիվերսիա են արել, ուրեմն մենք պետք է հստակ հասկանանք, որ դիրքերի պաշտպանության ու դրանց ռեժիմների սահմանման մասով դեռ շատ անելիք ու քիչ ժամանակ ունենք...

Եթե ՀԱՊԿ-ում դիվերսիայի մասով սկզբում լռում էին, հետո նման ռելիզ են տարածում, որտեղ առկա են ոչ միանշանակ ձևակերպումներ, նուրբ շեշտադրումներ ու զուսպ գնահատկաններ, ապա մենք պետք է մեզ համար հստակ ֆիքսենք մեր անելիքները լայնածավալ պատերազմի պարագայում գործընկերների մասով:

Եթե մենք պատերազմի մեջ գտնվող երկիր ենք, ուրեմն պետք է հասկանալ, որ այդ պատերազմը ամեն օր է, ամեն պահի, սահմանային շփման տարբեր հատվածներում, ուստի կարիք չկա ՖԲ-ում «աղեկտուր գոռալ, թե լավ, մինչև երբ է սա շարունակվելու...»...: Դրա պատասխանը հստակ առկա է՝ մինչև խնդրի՝ հօգուտ մեզ խաղաղ կամ ռազմական ճանապարհով լուծում:

Եթե դիվերսիոն գործողության վերաբերայլ տեղեկատվական սպասարկումը ու հետագայում նաև ապատեղեկատվական որոշ բաղադրիչների շրջանառումը սոց.ցանցերում տեղի են ունենում վտանգավոր ինտենսիվությամբ, ուրեմն պետք է արձանագրել, որ մենք ունենք մեծագույն խնդիր արտակարգ իրավիճակներում կարևոր տեղեկատվության հետ աշխատանքի ու տարրական գրագիտության մասով:

Եթե իրավիճակի ու նրա բաղադրիչների վերաբերյալ մեր գնահատականներում մենք մի ծայրահեղությունից անցում ենք կատարում մյուսը՝ այդ ընթացքում երբեմն կորցնելով ռացիոնալության ու տրամաբանվածության հիմքը, իրականության զգացումը, ապա պետք է առնվազն հասկանալ, որ այսպես հեռու չենք գնա, մասնավորապես՝ եթե վաղը ռազմական գործողությունները վերսկսվեն:
Իսկ նրանք վերսկսվելու են, կասկածել պետք չի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
Դիտվել է 1608 անգամ
Մեկնաբանել

x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝