Ժամանակակից աղջինկերը բազմաթիվ հոդվածներ են կարդում շպարի տենդենցների և կիրառման կանոնների վերաբերյալ: Սակայն ոչ բոլոր կանոններն են համապատասխանում իրականությանը:
Ահա շպարի 12 տարածված կանոններ, որոնք առասպել են և իրականության հետ կապ չունեն:
1. Կարմիր շրթներկն ամեն մեկի համար չէ
Սա 100% սխալ է: Կարմիր շրթներկը սազում է բոլորին, պարզապես հարկավոր է ընտրել կարմիրի ձեր երանգը:
2. Թարթչաներկը պիտանի է օգտագործման համար մինչև չորանալը
Թարթչաներկի կենսացիկլը, առաջին օգտագործումից սկսած, 3 ամիս է: Դրանից երկար օգտագործելը վտանգավոր է, քանի որ թարթչաներկը բակտերիաների զարգացման համար հիանալի հող է նախապատրաստում:
3. Եթե թարթչաներկի վրձինը մի քանի անգամ մտցնեք տուփի մեջ, ապա կազատվեք վրձնի վրայի գնդիկներից
Այդ գործողությամբ օդ է ներթափանցում թարթչաներկի տուփի մեջ և կրճատում է ձեր թարթչաներկի կյանքը: Պարզապես մտցրեք վրձինը տուփի մեջ և պտտեք այն:
4. Կարիք չկա քնելուց առաջ շպարը մաքրելու
Քնելու ընթացքում մեր մաշկը ենթարկվում է ռեգեներացիայի և թարմանում է: Եթե դուք շպարը չեք հեռացնում, շպարի մասնիկները կարող են անցնել մաշկի անցքերի մեջ և հանգեցնել ինֆեկցիաների:
5. Շպարի պարագաները չունեն պիտանելիության ժամկետ և դրանք կարելի է օգտագործել մինչև վերջանալը
Ոչ, ոչ և ոչ: Շպարի պարագաների մեծ մասը ունեն կենսացիկլ, որը միշտ տպվում է արտադրանքի վրա հատուկ նշանով: Հաշվարկը սկսում է առաջին օգտագործումից:
6. Կարելի է չլվալ վրձինները, եթե միայն դուք եք դրանք օգտագործում
Շպարի վրձինները օրվա ընթացքում բազմաթիվ մակերևույթների հետ են շփվում: Որքան ուշ եք դուք դրանք լվանում, այնքան շատ բակտերիաներ են կուտակվում:
7. Շպարի պարագաները չեն փչանում
Եթե դուք ճիշտ ձևով չեք հետևում ձեր շպարի պարագաներին, ապա դրանք պիտանի չեն լինի նախքան վաղեմության ժամկետի ավարտը: Օրինակ՝ որոշ շպարի պարագաներ չի կարելի պահել մութ և շատ տաք պայմաններում:
8. Դուք կարող եք օգտագործել ջրակայուն թարթչաներկ ամեն օր
Եթե դուք չեք կարծում, որ կընկնեք անձրևի տակ կամ էլ այլ պատճառ չկա ջրակայուն թարթչաներկ օգտագործելու, ապա կիրառեք սովորական թարթչաներկ: Օրվա վերջում դուք շատ ջանք կթափեք ջրակայուն թարթչաներկը հեռացնելու համար, և ձեր աչքերը այդքան շատ տրորելը կթուլացնի ձեր թարթիչները:
9. Հոնքերը պետք է 2 երանգով ավելի մուգ լինեն, քան մազերը
Հետևեք այս կանոնին միայն, եթե դուք ունեք բաց մազեր: Մուգ մազերով աղջիկները երբեք չպետք է այսպես վարվեն, քանի որ դեմքը դառնում է մռայլ և կոպիտ:
10. Շուրթերն ավելի մեծ երևալու համար հարկավոր է մատիտը շուրթերի եզրագծերից դուրս քսել
Այս հնարքը լավ է աշխատում ֆոտոսեսիաների ժամանակ, սակայն իրական կյանքում դուք ստանում եք անբնական և վուլգար տեսք:
11. Աչքի մուգ մատիտը մեծացնում է ձեր աչքերը
Աչքի մուգ մատիտը մեծացնում է աչքերը միայն ծխացված աչքեր (smokey eyes) շպարի ժամանակ, մյուս բոլոր դեպքերում մուգ մատիտը փոքրացնում է աչքերը: Աչքերը մեծացնելու համար անհրաժեշտ է ներսի կողմից քսել բաց մատիտ, օրինակ՝ սպիտակ:
12. Կապույտ ստվերաներկը մնացել է անցյալում
Շպարի վերջին տենդենցներն ասում են հակառակը: Կապույտ, փիրուզագույն, լազուրային. այս բոլոր գույներն ու երանգները նորաձևության գագաթնակետին են: Կարող եք այն համադրել գեղեցիկ սև սլաքներով, որոնք ձեզ հմայք կհաղորդեն:
