Lurer.com-ը գրում է.
Սիրիայի նախագահ Բաշար Ասադը հայտարարել է, որ Հալեպի ազատագրումը դարձավ «ոչ միայն Սիրիայի, այլեւ բոլոր նրանց հաղթանակը, ովքեր արդյունավետ ավանդ են ներդնում ահաբեկիչների դեմ պայքարում, նախեւառաջ Ռուսաստանի եւ Իրանի»: Ինչպես տեղեկացնում է SANA գործակ ալությանը, նա Դամասկոսում հանդիպում է ունեցել Իրանի արտաքին գործերի փոխնախարար Հոսեյն Ջաբերի Անսարիի հետ:
Ասադն իրանցի պատվիրակի հետ քննարկել է «դիվանագիտական այն ջանքերը, որոնք գործադրվում են ահաբեկիչների ելուզակախմբերի դեմ սիրիական ժողովրդին պարտադրված պատերազմի դադարեցման համար, մասնավորապես, դեկտեմբերի 20-ին Մոսկվայում կայացած ռուս-իրանա-թուրքական եռակողմ հանդիպման արդյունքները»:
Կողմերը կարեւորել են Հալեպում ձեռք բերված հիմնարար հաջողությունը սիրիական հողում ահաբեկչության մնացած օջախների վերացման եւ այնպիսի լուծում գտնելու նպատակով անհրաժեշտ պայմանների ստեղծման համար, որը վերջ կդնի հակամարտությանը»,-նշվում է կառավարական գործակալության հաղորդագրության մեջ, հաղորդել է ՏԱՍՍ-ը:
