Lurer.com-ը գրում է.
Երևանի գյուղատնտեսական տոնավաճառներում հատուկ տաղավարներ կտրամադրվեն ճամբարակցիներին ռոքֆոր տեսակի պանիրը իրացնելու համար:
 Այս մասին դեկտեմբերի 21-ին լրագրողների հետ հանդիպման ժամանակ ասաց ՀՀ գյուղատնտեսության նախարարի տեղակալ Ռոբերտ Մակարյանը:
 Նրա խոսքով՝ Ճամբարակի գյուղացիական տնտեսությունները ռոքֆոր պանրի իրացման խնդիր ունեն:
 «Երեկ պայմանավորվել եմ Ճամբարակի գյուղապետի հետ: Մենք Կասյան փողոցի վերին հատվածում և Մաշտոցի պուրակին հարող տարածքում գործող գյուղատնտեսական տոնավաճառներում տեղեր կհատկացնենք նաև ճամբարակցիներին՝ «Աշտարակ կաթ» ընկերության կողմից մթերած կաթի դիմաց տրամադրած ռոքֆոր տեսակի պանիրը իրացնելու համար»,- ասաց Ռոբերտ Մակարյանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել