Image result for Լևոն Տեր-ՊետրոսյանՇավարշ Քոչարյանի արձագանքը Լևոն Տեր-Պետրոսյանի առաջարկած իբրև թե «ելքին», այն է՝ հող հանձնելով խաղաղության հասնելու, ըստ էության՝ այն երկար սպասված պատասխանն էր, որն անհրաժեշտ էր հասարակությանը համոզվելու համար, որ մեր քաղաքական բարձր ղեկավար օղակներում նման մտայնություն չկա։ Փոխարտգործնախարարը լրատվականներից մեկին տված զրույցում ասել էր, որ Լեռնային Ղարաբաղի հակամարտության կարգավորման փուլային միայն մեկ տարբերակ գոյություն ունի, այն է՝ Ադրբեջանը ճանաչում է Լեռնային Ղարաբաղի Հանրապետությունը, վերադարձնում դեռևս իր օկուպացիայի տակ գտնվող Ղարաբաղի տարածքները և դիմում Ստեփանակերտին միջպետական սահմանազատման շուրջ բանակցություններ սկսելու նախաձեռնությամբ:
Լևոն Տեր-Պետրոսյանի «ոչինչ չես զիջում, կորցնում ես ամեն ինչ»-ը ամենամեծ խաբեյությունն է, որով նա փորձում կերակրել մեր հասարակությանը։ Մեր պատմությունը ցույց է տվել, որ որքան զիջել ենք, այնքան ավելի ու ավելի շատ ենք կորցրել, իսկ Նժդեհն, օրինակ, պահեց ու չզիջեց Զանգեզուրը, և մեր հայրենիքի հողակտորի այդ հավտածը այսօր ՀՀ տարածքում է։ Եվ ի վերջո, ո՞վ է այս աշխարհում զիջում հաղթանակով նվաճած հողերը։ Լևոն Տեր-Պետրոսյանի պնդումները գործնականում որևէ հիմնավորում և կենսունակություն չունեն։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել