Google-ի տեխնիկական տնօրեն և հայտնի տեխնոլոգիական ապագայաբան Ռեյ Կուրցվեյլը ելույթ է ունեցել այս տարվա սկզբին՝ կանխատեսումների հերթական չափաբաժնով:

Ինչպես գրում է Inventure-ը, լինելով արհեստական ինտելեկտի բնագավառում ժամանակակից նվաճումների գլխավոր հետազոտողներից մեկը, Կուրցվեյլը հրապարակում է իր կանխատեսումները 1990-ական թվականներից, որոնցից շատերը դարձել են ակադեմիական:

Բայց եթե դեռ 5 տարի առաջ նա ավելի հաճախ եզրակացություններ էր կատարում երկար ժամանակաշրջանների համար (2030-ական թթ, 2040-ական թթ.), ապա վերջին ժամանակները գիտնականի ենթադրություններում ի հայտ է եկել ժամանակագրական հաջորդականություն: Հնարավոր է, ճշգրտության վրա ազդել է ամենամեծ ինտերնետ-ընկերությունում նրա աշխատանքը, որտեղ ապագայաբանը հայտնվել է շատ նորարարական մշակումների առաջնագծում:

Կուրցվեյլը կարծես թե հրավիրում է մասնակցելու ինտելեկտուալ խաղին և հավաքելու փազլ՝ ապագայի պատկերն իր հին ու նոր կանխատեսումներից: Եթե հավաքվի նրա վերջին 20 տարիների արված կանխատեսումները, ապա կարելի է նկատել, որ ապագան 2019 թվականից մինչև 2099 թվականը գիտնականը գրել է բառացիորեն տարեցտարի:

2019 – յուրաքանչյուր բնագավառի անհատական և պերիֆերիկ սարքերի համար լարերը և մալուխները կմնան անցյալում:

2020 – անհատական համակարգիչները կհասնեն հաշվողական հզորության՝ համեմատելի մարդկային ուղեղի հետ:

2021 – անլար մուտքը համացանց կծածկի երկրագնդի 85 տոկոսը:

2022 – ԱՄՆ-ում և Եվրոպայում կընդունվեն մարդկանց և ռոբոտների միջև հարաբերությունները կարգավորող օրենքներ:

2024 – համակարգչային ինտելեկտի տարրերը կդառնան պարտադիր ավտոմեքենաներում: Մարդկանց կարգելեն նստել ավտոմեքենայի ղեկին, որոնք չունեն համակարգչային օգնական:

2026 – շնորհիվ գիտական առաջընթացի՝ ժամանակի միավորի համար մենք կերկարաձգենք մեր կյանքն ավելի շատ ժամանակի վրա, քան անցել է:

2027 – անհատական ռոբոտը, որն ընդունակ է ինքնուրույն բարդ գործողությունների, կդառնա նույնպիսի սովորական իր, ինչպիսին են սառնարանը և սրճեփը:

2028 – արևային էներգիան կդառնա այնքան էժան և տարածված, որ կբավարարի մարդկության պահանջմունքները:

2029 – համակարգիչը կկարողանա անցնել Տյուրինգի թեստը, որն ապացուցում է բանականության առկայությունն այդ բառի մարդկային հասկացությամբ:

2031 – 3D պրինտերները մարդկային օրգանների տպման համար կօգտագործվեն յուրաքանչյուր մակարդակի հիվանդանոցներում:

2032 – նանո-ռոբոտները կսկսեն օգտագործվել բժշկության մեջ: Նրանք կսկսեն սննդարար նյութեր հասցնել մարդու բջիջներին: Նրանք կսկսեն նաև կատարել մարդկային ուղեղի մանրամասն սկանավորում, ինչը թույլ կտա հասկանալ դրա աշխատանքի դետալները:

2033 – Ինքնակառավարվող ավտոմեքենաները կլցնեն ճանապարհները:

2034 – մարդու առաջին ժամադրությունն արհեստական ինտելեկտի հետ:

2037 – հսկայական առաջընթաց մարդկային ուղեղի գաղտնիքները հասկանալու մեջ:

2038 – ռոբոտացված մարդկանց՝ տրանսհումանիտար տեխնոլոգիաների պրոդուկտի հայտնվելը: Նրանք սարքավորված կլինեն լրացուցիչ ինտելեկտով և տարբեր իմպլանտատներով:

2039 – նանո-մեքենաները կիմպլանտացվեն միանգամից ուղեղի մեջ:

2041 – ինտերների անցողական ընդունակությունը կդառնա 500 միլիոն անգամ ավելի, քան այսօր:

2042 – անմահության առաջին պոտենցիալ իրականացումը՝ շնորհիվ նանո-ռոբոտների բանակի:

2043 – մարդկային մարմինը կարող է ընդունել յուրաքանչյուր ձև՝ շնորհիվ մեծ քանակության նանո-ռոբոտների: Ներքին օրգանները կփոխարինվեն կիբեռնետիկ սարքերով՝ շատ ավելի լավ որակի:

2044 – ոչ բիոլոգիական ինտելեկտը կդառնա միլիարդ անգամ ավելի բանական, քան բիոլոգիականը:

2045 – երկիրը կվերածվի մեկ հսկայական համակարգչի: Տեխնոլոգիական սինգուլյարության (մեքենաները կատարելագործվում են՝ առանց որևէ մեկի օգնության) սկիզբը:

2099 – տեխնոլոգիկական սինգուլյարության գործընթացը տարածվում է ամբողջ տիեզերքում:

Պատրաստեց Անի Գաբուզյանը

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել