Image result for adele beyonceԵրգչուհիներ Բեյոնսեն և Ադելը առաջադրված են «Գրեմմի» 59-րդ երաժշտական մրցանակի չորս անվանակարգերից երեքում, որն ամեն տարի շնորհվում է Ձայնագրության ամերիկյան ակադեմիայի կողմից: Այդ մասին տեղեկացնում է մրցանակի պաշտոնական կայքը:

Բեյոնսեն, որն արդեն 20 «Գրեմմի» ունի, այս տարի առաջատարն է անվանակարգերի թվով. դրանք ինն են: Ութական անվանակարգեր ունեն Ռիհաննան, Դրեյք և Քանյե Ուեսթերը: Մրցանակի առաջադրված արտիստների թվում են նաև Ջասթին Բիբերը, Արիանա Գրանդեն, Իգգի Փոփը և PJ Harvey-ը:

«Տարվա երգ» կատեգորիայում անվանակարգվել են Բեյոնսեի Formation կոմպոզիցիան, ինչպես նաև Ադելի Hello երգը, Ջասթին Բիբերի Love Yourself-ը, Մայք Պոզների I Took a Pill In Ibiza-ն և Լուկաս Գրեմի 7 Years-ը:

«Տարվա ալբոմ» անվանակարգում ներկայացված են Ադելի «25»-ը, Բեյոնսեի Lemonade-ը, Ջասթին Բիբերի Purpose-ը, Դրեյքի Views-ը և Սթերջիլ Սիմփսոնի A Sailor’s Guide To Earth-ը:

«Տարվա ձայնագրություն» կատեգորիայում ներկայացված են Ադելի Hello-ն, Բեյոնսեի Formation-ը, Լուկաս Գրեմի 7 Years-ը, Ռիհաննայի Work-ը՝ Դրեյքի մասնակցությամբ և Twenty One Pilots խմբի Stressed Out-ը:

Լավագույն փոփ-ալբոմի մրցանակին հավակնում են Ադելի «25»-ը, Ջասթին Բիբերի Purpose-ը, Արիանա Գրանդեի Dangerous Woman-ը, Դեմի Լովատոյի Confident-ը և երգչուհի Sia-ի This Is Acting-ը:

«Լավագույն նոր արտիստ» անվանակարգում հայտարարված են Քելսի Բալերինին, The Chainsmokers-ը, Chance The Rapper-ը, Մերեն Մորիսը և Anderson Paak-ը:

Պարգևատրման արարողությունը տեղի է ունենալու 2017 թվականի փետրվարի 12-ին: «Գրեմմի»-ն համարվում է աշխարհի ամենահեղինակավոր երաժշտական մրցանակներից մեկը: Այն շնորհվում է 1959 թվականից: Հաղթողներին քվեարկությամբ որոշում են ակադեմիայի անդամները:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել