2014թ. նոյեմբերին Տուլա քաղաքում ծնված Մատվեյ Զախարենկոյի ճակատագրի մասին գիտեն ոչ միայն Ռուսաստանում, այլև դրա սահմաններից դուրս:
Ծնվելուց հետո երեխայի մոտ հայտնաբերվեց դեղնախտ և նրան ֆոտոթերապիայի մի քանի սեանս նշանակեցին:
Նման պրոցեդուրաներից մեկի ժամանակ բույժքույրը միացրեց լամպը և գնաց:
Սարքը պայթեց, և 12 րոպե շարունակ Մատվեյին ոչ ոք օգնության չէր գալիս:
Դրա հետևանքով այրվեց երեխայի մարմնի 75 տոկոսը, ներքին օրգանների՝ 15 տոկոսը:
Ենթարկվելով տասնյակ վիրահատությունների՝ տղան ողջ մնաց, սակայն նրանից հրաժարվեց հարազատ մայրը, որն այդ ժամանակ 19 տարեկան էր:
Որոշ ժամանակ անց Մատվեյի պատմությունը դարձավ շատ հայտնի:
Երկու կին պայքարում էին նրա մայրը դառնալու համար:
Արդյունքում նրա մայրը դարձավ Սվետա անունով մի կին Մոսկվայից:
Իմանալով, թե որքան մարդիկ են անհանգստանում Մատվեյի առողջության համար, մայրը հրապարակում է տղայի նոր կյանքի լուսանկարներն ու տեսանյութերը:
Այս տարի տղան անգամ ծով էր գնացել իր նոր ընտանիքի հետ:
Ներկայումս նա կարծես թե ավելի լավ է իրեն զգում: