Եվա Ռիվասը Հայաստանում է. ահա այսպիսի լուր էր վերջերս տարածվել, որի իսկությունը ճշտելու նպատակով BRAVO.am-ը կապվել է երգչուհու հետ ու ստացել ոչ միայն հետաքրքրող հարցի, այլեւ նրա անձնական կյանքի, առաջիկա պլանների ու այլ մի քանի հարցերի պատասխաններ:
Երեւան գալու մասին
Օրեր առաջ մտերիմ ընկերներիցս մեկի ծննդյան տարեդարձին էի: Միջոցառման ընթացքում ֆեյսբուքյան էջումս նկարներ էի տեղադրել ու նշել, որ գտնվում եմ Երեւանում: Շատերը կարծել էին, թե Հայաստան եմ եկել, բայց, ցավոք, այդպես չէ. պարզապես ես գտնվում էի Մոսկվայի «Երեւան» ռեստորանում: Համենայն դեպս, իմ գալուստը Հայաստան սարերի ետեւում չէ:
Հանգստի մասին
Վերջերս եմ վերադարձել Դոմինիկյան Հանրապետությունում անցկացրած հանգստից, ուր մեկնել էի մտերիմ ընկերուհուս հետ: Ի դեպ, շուտով նախատեսում եմ Մալդիվյան կղզիներ մեկնել: Լավ հանգիստն արդյունավետ աշխատանքի անբաժանելի մասն է կազմում:
Կարիերայի մասին
Կարիերաս երկրորդ շնչառություն է ստացել: Այս պահին նոր տեսահոլովակների, ֆոտոսեսիաների եւ մենահամերգ կազմակերպելու աշխատանքներ են տարվում: Մեծ ցանկություն ունեմ ծննդյանս օրը` հուլիսի 13-ին, Երեւանում մենահամերգ տալ, սակայն համոզված չեմ, որ այս կարճ ժամանակահատվածում կհասցնեմ պատրաստվել: Այնուամենայնիվ, կանեմ հնարավորինս: Խոստանում եմ, որ ամեն ինչ բարձր մակարդակի վրա է լինելու:
Անձնական կյանքի մասին
Պետք է ասեմ, որ անձնական կյանքումս լուրջ փոփոխություններ են տեղի ունեցել, ինչի մասին, կներեք, դեռ չեմ ցանկանում խոսել:
Տեքստը` Դիանա Հովհաննիսյանի/Bravo.am/
Լուսանկարները` Եվա Ռիվասի անձնական արխիվից եւ Maxim-ի
