բացել լրահոսը
23.11.2016  16:55

Թբիլիսին հարվածում է Ադրբեջանի էներգետիկ շահերին

Alik Eroyants

Картинки по запросу georgia azerbaijanՎրաստանն ազատականացնում է երկրի էներգետիկ շուկան, ինչի արդյունքում ցանկացած ընկերություն կարող է սպառողներին մատակարարել իր «էներգետիկ ապրանքը»: Ավելին՝ խողովակաշարի, հաղորդակցման ուղիների սեփականատեր հանդիսացող ընկերությունները պարտավոր են լինելու անհրաժեշտության դեպքում թույլատրել այլ ընկերություններին օգտվել իրենց ենթակառուցվածքներից: Նշվածը պայմանավորված է նրանով, որ հոկտեմբերի 16-ին Վրաստանը փաստաթուղթ է ստորագրել, որով միանում է Եվրոպական էներգետիկ միավորմանը, իսկ Վրաստանի խորհրդարանի կողմից այն հաստատվելուց հետո կարգը կսկսվի արդեն գործել օրենքի սահմաններում:

Եթե հաշվի առնենք այն հանգամանքը, որ ներկայումս Ադրբեջանը, ինչպես նաև Թուրքիան գերիշխող տեղ են զբաղեցնում Վրաստանի էներգետիկ ոլորտում՝ ռեսուրսների մատակարարման և արտադրման տեսանկյունից, պարզ է, որ վերոհիշյալն առաջին հերթին հարվածելու է ադրբեջանական և թուրքական ընկերությունների շահերին: Ի դեպ, ինչպես հայտարարել է Վրաստանի էներգետիկայի փոխնախարարը, «թեև ենթադրվում է, որ ազատականացման գործընթացը որոշ խաղացողների համար կլինի ցավոտ, այդուհանդերձ իրենք կփորձեն անցումային փուլն իրականացնել սահուն ընթացքով, բայց գործընթացն անխուսափելի է»:

Հ.Գ. Այնպես որ տեսանելի ապագայի համար Հայաստանից մեծ ծավալներով էլէներգիայի և Իրանից գազի՝ Վրաստանին մատակարարելու հնարավորություններն ավելի են իրատեսական դառնում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
Դիտվել է 822 անգամ
Մեկնաբանել

x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝