Image result for таджикистан президентՄիջինասիական հանրապետությունից հերթականը՝ Տաջիկստանը պաշտոնապես կարելի է դասել բռնապետությունների շարքին, որտեղ երկրի ղեկավարն աստվածացվում է, օրինականացվում է անձի, այս պարագայում՝ նախագահի պաշտամունքը, նրա ծննդյան օրը դառնում է պետական տոն, վերջինիս քննադատողներին էլ սպառնում է քրեական պատիժ։ Ցավոք, Միջին Ասիայի հնագույն ազգերից մեկի՝ տաջիկների նախագահ Էմոմալի Ռահմոնովը, ով հետագայում դարձավ Ռահմոն, վերջին տարիներին կտրվելով իրականությունից, իրեն երևակայում է բացարձակ միապետ՝ իր բոլոր բացասական հետևանքներով։ Տաջիկստանի ընդմիշտ նախագահ հռչակվելուց հետո երկրի խորհրդարանը սկսեց նրա գոհացնող օրենքներ ընդունել։ Վերջին խայտառակ օրենքն ընդունվել է մի քանի օր առաջ։ Ըստ Տաջիկստանի խորհրդարանի ընդունած օրենքի՝ երկրի նախագահին վիրավորողներին սպառնում է քրեական պատիժ։ Այսինքն՝ Ռահմոնը կպատժի նաև նրանց, ով կփորձի նրան քննադատել։
Նոյեմբերի 16-ին կլրանա Ռահմոնի կառավարման 22 տարին։ 1994 թ-ից Տաջիկստանն իր ձեռքում պահող Ռահմոնն այդ օրը համարում է «սրբազան», իսկ նրա մանկլավիկներն էլ փորձում են գոհացնել և ուրախացնել իրենց տիրոջը։ Օրինակ՝ Դուշանբեի քաղաքապետը ամբողջ քաղաքը զարդարել է Ռահմոնի պատկերով պաստառներով հետևյալ գրառումով՝ «Մեր նախագահը մեր առաջնորդն է»։ Իսկ քաղաքապետարանին ենթակա դպրոցներում և նախակրթարաններում անցկացվելու է լավագույն նկարի մրցույթ՝ «Նախագահը երեխաների աչքերով» խորագրով։
Տաջիկստանը համալրեց նախկին ԽՍՀՄ հանրապետությունների շարքը, որտեղ ԽՍՀՄ փլուզումից հետո հաստատվեցին բռնապետութհուններ՝ Բելառուս, Ադրբեջան, Ղազախստան, Թուրքմենստան, Ուզբեկստան։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել