Թե որքանով է սա արդյունավետ և որքանով է այս մարտավարությունը մտնում կառավարության PR արշավի մեջ, սա դեռ ժամանակը ցույց կտա, բայց այն, որ սա հասարակության հետ բաց և հասանելի հաղորդակցման ավանդույթի արմատացում է, միանշանակ է։ Այս մշակույթն իսպառ բացակայել է նախորդ կառավարությունների և պետական այլ գերատեսչություններում, երբ հասարակությանն անհանգստացնող և բուռն քննարկման արժանացած խնդիրները կա՛մ անտեսվել են, կա՛մ դրանց պատասխան է տրվել շատ ուշ, և որպես կանոն՝ տրվել են լղոզված կամ ցինիկ բնույթի պատասխաններ։
Իհարկե, Առաջին տպարանի շենքի պայթեցման վերաբերյալ պատկան մարմինների արձագանքը սկզբում ոչ ադեկվատ էր և ուշացած, սակայն օրեր անց վարչապետը հասարակությանը հայտնեց իր դատապարտող կարծիքը։ Նույնը վերաբերում էր առողջապահության նախարարի ցինիկ մոտեցմանը, ինչին շատ արագ արձագանքեց վարչապետը և ստիպեց վերանայել իր գործելաոճն ու վերաբերմունքը։
Անկախ ամեն ինչից՝ հասարակությանը հուզող այս խնդիրներին այս՝ թեկուզ առերես, մտահոգ վերաբերմունքը դրական միտում է պետական համակարգում։
Նյութի աղբյուր՝ https://www.facebook.com/karen.hambardzumyan.3910/posts/190006811406386?notif_t=close_friend_activity¬if_id=1478503820988459
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել