Որքա՞ն են հարևան երկրների հետ Հայաստանի արտաքին առևտրի ծավալները
Ինչպես տեղեկանում ենք ազգային վիճակագրական ծառայության տվյալներից, 2016թ.-ի հունվար-սեպտեմբերի ցուցանիշներով՝ Հայաստանը հարևան երկրներից ամենամեծ առևտրաշրջանառության ծավալներ ունի Վրաստանի հետ` 185 մլն դոլար, որից մոտ 110 մլն դոլարի ապրանք արտահանում ենք, 75 մլն դոլարի՝ ներմուծում:
Իրանի հետ Հայաստանի արտաքին առևտրի ծավալը 179 մլն դոլար է, որից մոտ 57 մլն դոլարի ապրանք արտահանում ենք, 121 մլն դոլարի՝ ներմուծում:
Թուրքիայի հետ առևտրի ծավալները տարվա առաջին 9 ամիսներին կազմել են 103 մլն դոլար, նախորդ տարվա նույն ժամանակահատվածի 98 մլն դոլարի համեմատ: Այս երկրից հիմնականում ներմուծում ենք, իսկ արտահանման ծավալնեը չնչին են, քանի որ հայկական ապրանքների ներմուծումը Թուրքիա արգելված է այդ երկրի կողմից:
