Image result for բջջային հեռախոսներիՈր գրպանում չի կարելի պահել բջջայինները և ինչ վնաս են հասցնում դրանք

Բջջային հեռախոսներն ու սմարթֆոնները մեր կյանքի անբաժանելի մասն են: Այդ պատճառով բոլորը դրանք պահում են իրենց մոտ և հաճախ՝ գրպաններում: Բազմաթիվ ուսումնասիրություններ արդեն ապացուցել են, որ բջջային հեռախոսները վնասում են առողջությանը: Բանաձևը պարզ է` այն օրգանը, որին մոտ եք դնում բջջայինը, այդ օրգանն էլ տուժում է:

Ամենատարածված տեղը ծոցագրպանն է: Ծոցագրպանում դրված բջջայինը վնասում է սրտանոթային համակարգը: Ըստ ուսումնասիրությունների՝ բջջայինը առաջացնում է առիթմիա, փոխում է արյան շրջանառության ցիկլը: Գիտնականները կտրականապես արգելում են ծոցագրպանում բջջային հեռախոս կրելը:

Հաջորդ տարածված «գրպանը» տաբատի ետևի կամ առջևի գրպաններն են: Վերջին հետազոտությունները ցույց են տվել, որ այն տղամարդիկ, ովքեր տաբատի որևէ գրպանում պահում են իրենց բջջայինները, մեծապես նպաստում են սերմնահեղուկի որակի անկմանը, ինչը հանգեցնում է անպտղության և երեխա բեղմնավորելու անկարողության: Հեռախոսների հետ ոչ մի առնչություն չունեցող տղամարդկանց 50-85%-ի սերմնահեղուկը ունեցել է նորմալ ցուցանիշներ։ Իսկ բջջային հեռախոսների ազդեցությանը ենթարկված տղամարդկանց մոտ այս ցուցանիշը 8%-ով ավելի պակաս է եղել։

Գիտնականները նշում են, որ բջջայինով երկար ժամանակ խոսող մարդկանց մոտ առաջանում են գլխացավեր, ուղեղի վնասվածքներ: Գիտնականները խորհուրդ են տալիս բջջայինները պահել հատուկ պատյանների մեջ ու պայուսակներում: Եթե տղամարդիկ չեն ցանկանում պայուսակ կրել, մասնագետները առաջարկում են բջջայինները պահել ձեռքում, իսկ եթե դրսում չեք, ապա դնել սեղանին, ձեզանից, որքան հնարավոր է, հեռու:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել